करिना कपुर बी टाउन अर्थात बलिउड बजारकी सबैभन्दा चर्चित अभिनेत्री हुन् । उनी सामाजिक सञ्जालमा पनि निकै चर्चित छन्, उनले गरेका हरेक पोस्ट निकै भाइरल हुन्छन् । हालै उनले आफ्नो अफिसियल इन्स्टाग्राम ह्यान्डलबाट योगा गर्दै गरेको पोष्ट सेयर गरेकि छिन् – जसमा उनले क्याप्सन मार्फत आफ्नो योगको लामो यात्रा लेखेकि छिन् ।
उनले यो लामो सन्देशमा धेरै कुरा भनेकि छिन् । करीनाले योग गर्दै गरेको आफ्नो तस्बिरसँगै लेखेकी छिन्, –मेरो लागि योगाको यात्रा सन् २००६ मा टशन र जब वी मिट साइन गरेपछि सुरु भयो । यसले मलाई फिट र बलियो बनायो। अब दुई बच्चा पछि यस पटक म धेरै थाकेको छु र पीडाले भरिएको छु तर चाँडै म बिस्तारै आफ्नो फिटनेसमा फर्कने प्रयास गर्दैछु।
मेरो योग समय मेरो आफ्नै समय हो। एकरूपता मन्त्र हो। करीनाको यो पोस्टले उनका फ्यानमा नयाँ जोश भरेको छ । करिनाका फ्यान बाहेक धेरै सेलिब्रेटीहरूले पनि बेबोको यो पोष्टलाई मन पराएका छन् । यो पोस्टमा कट्रिना कैफले पनि लाइक गरेकी छिन् । याद राख्नु पर्ने कुरा के छ भने करिनाको यो पोष्ट अघि अन्तर्राष्ट्रिय योग दिवसको अवसरमा उनले आफ्नो इन्स्टा स्टोरीमा आफ्नो पुरानो तस्विर पनि शेयर गरेकी थिइन् ।
जसमा करीना सेतो बिकिनी लगाएर समुद्र तटमा एक खुट्टा माथि राखेर योगा गरिरहेको देखिएकी थिइन् । यो तस्बिरको क्याप्सनमा करीनाले लेखेकी छिन्,– तिम्रो दिमागलाई स्वतन्त्र छोडिदिनुहोस् । उल्लेखनीय कुरा के छ भने करिना कपुरले हालै फेब्रुअरी २१ मा दोस्रो छोरालाई जन्म दिइन् । आफ्नो फिटनेसको निकै ख्याल राखेकी करीनाले गर्भावस्थाको केही दिनपछि नै कसरत गर्न थालिन् । यस अवधिमा उनी प्रायः आफ्नो घरको वरिपरि घुम्ने गरेको देखिन्छ । करिना छिट्टै फिल्ममा पनि देखिनेछिन् । तर, अहिले उनी आफ्नो परिवारका सदस्यसँग बढी समय बिताइरहेकि छिन् ।
