OSNepal सोमबार, माघ ३ २०७८

चितवन राष्ट्रिय निकुञ्जमा माउ र बच्चा गरी दुई गैँडा मारेर खाग चोरी भागेका कमल गोप्य सूचनाका आधारमा आँबुखैरेनीबाट समातिए

चितवन राष्ट्रिय निकुञ्जमा माउ र बच्चा गरी दुई गैँडा मारेर खाग चोरी भागेका कमल गोप्य सूचनाका आधारमा आँबुखैरेनीबाट समातिए

  • OSNepal
  • शुक्रबार, पौस ३० २०७८


चितवन राष्ट्रिय निकुञ्जमा माउ र बच्चा गरी दुई गैँडा मारेर खाग चोरी भागेका कमल गोप्य सूचनाका आधारमा आँबुखैरेनीबाट समातिए
Reading Time: < 1 minute

गैँडा मारेर खाग चोरी निकासी गरेको मुद्दामा फरार रहेका एक अभियुक्तलाई चितवन राष्ट्रिय निकुञ्जले पक्राउ गरेको छ । पक्राउ पर्नेमा तनहुँको शक्लागण्डकी नगरपालिका–२ कोत्रेबजार बस्ने कमल गुरुङ रहेका छन् । निकुञ्जका सूचना अधिकारी गणेशप्रसाद तिवारीका अनुसार बुधबार बिहान १ः३० बजे आँबुखैरेनी गाउँपालिका–१ सत्रसयबाट उनलाई पक्राउ गरिएको हो ।

विसं २०७७ भदौ २१ गते निकुञ्जका अमलटारी सेक्टरअन्तर्गत बाँदरझुला टापुको रातोघोल क्षेत्रमा माउ र बच्चा गरी दुई गैँडा मारेर खाग तस्कर गर्ने कार्यमा संलग्न रहेको आरोपमा उनलाई जिल्ला प्रहरी कार्यालय तनहुँ र निकुञ्जको संयुक्त टोलीले पक्राउ गरिएको सूचना अधिकारी तिवारीले जानकारी दिनुभयो ।

गैँडा मारी खाग चोरी शिकारी गरी फरार रहेका उनलाई गोप्य सूचनाका आधारमा पक्राउ गरिएको हो । सो घटनामा उनीसँगै १३ जना सहभागी रहेको खुल्न आएको भए पनि हालसम्म ११ जनालाई पक्राउ गरी अदालतमा बुझाइएको उहाँले जानकारी दिनुभयो । पक्राउ परेका उनलाई २८ गते नै नवलपुर जिल्ला अदालतमा बुझाइएको सूचना अधिकारी तिवारीले बताउनुभयो । यस मुद्दामा अझै दुई जना फरार रहेको निकुञ्जले जनाएको छ ।

प्रतिक्रिया
सम्बन्धित समाचार

  • फेसबुक
  • ट्वीटर
  • युट्युब
  • A यूनिकोड