काठमाडौं ३ माघ । प्रधानमन्त्री शेरबहादुर देउवाले मन्त्रिमण्डलमा हेरफेर गर्ने भएका छन् । माघ १२ गते राष्ट्रिउ सभाको निवार्चन सकिए लगत्तै देउवाले केहि मन्त्रीहरुको हेरफेर गर्ने भएका हुन् ।
रक्षा र उद्योग, वाणिज्य तथा आपूर्ति मन्त्रालय आफैले नै सम्हाल्दै आएका देउवाले आफुलाई पार्टीको १४ औं महाधिवेशनमा सभापति पदको लागि किनै समर्थन गरेका नेता प्रकाशमान सिंह र नेत्रृ सुजता कोइरालालाई मन्त्री बनाउने लगभग पक्का भएको बुझिएको छ ।
कम्तिमा एक मन्त्रालय नेता सिंहको सिफारिसमा बनाउने तयारीमा लागेका देउवाले
सुजतालाई मन्त्री बनाउने लगभग निश्चित जस्तै भएको बुझिएको छ । देउवा अहिले प्रकाशमान सिंह र सुजाता कोइराला दुवैसँग परामर्श गर्न सुरु गरेका बालुवाटार स्रोतले जनाएको छ ।
तथापी , नेता सिंह भने सरकारमा जान मानेका छैनन् उनले आफ्नो समुहबाट कसैलाई अगाडी बढाउने देखिएको छ । यता सुजताले भने उद्योग, वाणिज्य तथा आपूर्ति मन्त्रालय माग्दै आएको पनि स्रोतले जनाएको छ ।
