बलिउडमा आलिसान घर खरीद गर्नु सामान्य कुरा भएको छ सेलिब्रेटीहरुको लागि । अक्षय कुमारले अन्ततः आफ्नो सपनाको घर पाएका छन् । अक्षय कुमार बलिउडका ती सुपरस्टारमध्ये एक हुन् जो आफ्नो व्यावसायिक र व्यक्तिगत जीवन दुवैलाई लिएर चर्चामा छन् । बक्स अफिसमा आफ्नो अभिनयको कभर गर्ने अक्षय कुमारले हालै मुम्बईमा नयाँ लग्जरीयस घर किनेका छन् ।
आउनुहोस्, अक्षय र ट्विंकल खन्नाको नयाँ घरको मूल्य कति छ थाहा पाउनुहोस्। अक्षय कुमारले आफू आज यो स्थानमा पुग्न निकै मेहनत गरेका छन् । अक्षय कुमारले मुम्बईमा अरुको बंगलाबाहिर उभिएर फोटोसुट गर्ने दिनहरु पनि देखे । अचम्मको कुरा त यो बंगला हो जसमा अक्षयले फोटो खिच्न कहिल्यै प्रवेश पाएनन् । पछि त्यही बंगलाको मालिक बने । यो कथा अक्षयको स्ट्रगलको दिनको हो । अब त्यो दिन पनि आयो ।
जब खिलाडी कुमार एक होइन दुई घरको मालिक बनेका छन् । फिल्मबाट मनग्य कमाइ गर्ने अक्षय कुमारले मुम्बईमा एउटा आलिशान फ्ल्याट किनेका छन् । कोइमोईको रिपोर्ट अनुसार अक्षय कुमारको नयाँ घरको लागत करिब ७।८ करोड रुपैयाँ छ । अक्षयको फ्ल्याट खार पश्चिममा रहेको जोय लिजेन्ड बिल्डिङको १९ औं तलामा रहेको बताइएको छ, जहाँ उनलाई गाडी पार्क गर्नको लागि प्रशस्त ठाउँ पनि दिइएको छ ।
अक्षय कुमारले संसारभरका करोडौं मानिसको मनमा राज गरेका छन् । त्यसैले अक्षयको नयाँ फ्ल्याटको बारेमा थाहा पाएपछि उनका फ्यानहरु निकै उत्साहित देखिएका छन् । यसबारेमा अक्षय कुमारले अहिलेसम्म कुनै आधिकारिक धारणा सार्वजनिक गरेका छैनन् । तर छिट्टै उनले यो खबर जनतामाझ सेयर गर्ने अपेक्षा गरिएको छ ।
