सन् २००० मा अमिषा पटेल र करिना कपुरबीच केही कुरालाई लिएर विवाद भएको खबर आएको थियो । बेबोले अमिषालाई ‘खराब अभिनेत्री’ भनेकी थिइन् । साथै, करिनाले फिल्म ‘कहो ना प्यार है’ मा अभिनेत्रीको भूमिकाको बारेमा चौंकाउने कुरा भनेकी थिइन् । त्यसयता यी दुईबीचको सम्बन्ध ठीक छैन । तर, हालै अमिषाले एक अन्तर्वार्तामा करीनासँगको आफ्नो सम्बन्धको बारेमा खुलेर कुरा गरेकी छिन् ।
अमिषाले मिडियामा जसरी यो खबर आयो त्यसमा सत्यता नभएको बताइन् । यी दुईबीच त्यस्तो केही भएको छैन । यसबाहेक अमिषाले करीना निकै सुन्दर महिला हुनुका साथै सुन्दर अभिनेत्री समेत रहेको बताइन् । करीनाका लागि अमिषाको मनमा केही गलत भावना छैन । अमिषा भन्छिन्, उनी मेरो शत्रु होइनन् । बरु, करिना धेरै गीतमा निकै सुन्दर देखिएकी छिन् ।
उनले चलचित्रमा पनि दमदार अभिनय गरेकि छिन् । अमिषाले थप भनिन् – म मेरा केही नजिकका साथीहरूलाई भन्छु कि करीनाले राम्रो काम गरेकी छिन्। मलाई लाग्छ करीना एक धेरै सुन्दर महिला र एक अद्भुत अभिनेत्री पनि हो। उ प्रति मेरो कुनै नराम्रो धारणा छैन। बरु, म करिनाका बुबासँग धेरै नजिक छु। उहाँसँगको मेरो सम्बन्ध अर्कै छ ।
धेरै पटक फोन गरेर मेरो स्वास्थ्यको बारेमा सोध्नु हुन्छ । अमिषा पटेलले ऋतिक रोशनसँग फिल्म ‘कहो ना प्यार है’ बाट बलिउडमा डेब्यु गरेकी थिइन् । यस फिल्ममा पहिलो भूमिका करिना कपूरलाई अफर गरिएको थियो तर अभिनेत्रीले अस्वीकार गरिन् । त्यसपछि अमिषा पटेललाई फिल्मका लागि फाइनल गरिएको थियो । त्यसबेलादेखि नै यी दुईबीच झगडा हुन थालेको बताइएको छ ।
