उपप्रमुख महिला कपमा सहभागी भएनन् सामुदायिक विद्यालय, उपाधि मनकामनालाई – OSNepal

उपप्रमुख महिला कपमा सहभागी भएनन् सामुदायिक विद्यालय, उपाधि मनकामनालाई

Osnepal April 07, 2022 0

भैरहवा, २४ चैत – भैरहवामा सम्पन्न तेस्रो उपप्रमुख महिला कपमा सामुदायिक विद्यालयले सहभागिता जनाएनन् । राष्ट्रका लागि खेलकुद स्वास्थ्यका लागि खेलकुद, महिलाका लागि खेलकुद भन्ने नाराका साथ भएको प्रतियोगितामा सामुदायिक विद्यालयले सहभागिता नजनाउँदा छात्राहरुलाई प्रतिष्पर्दाबाट बञ्चित हुन परेको हो । सिद्धार्थनगर नगरपालिकाको आयोजनामा विगत ३ वर्ष देखि महिलाहरुलाई पुरुषसँग प्रतिस्पर्धा ग्राह्रो हुने, समानता, सुरक्षा र स्वास्थ्यलाई मध्यनजर गर्दै युवा महिलालाई लक्षित गरेर प्रतियोगिता आयोजना हुदै आएको छ ।

७३ विद्यालय रहेको सिद्धार्थनगरमा महिला कपमा १९ वटा विद्यालयले खेलको लागि प्रस्ताव दिएपनि १५ विद्यालयले मात्रै खेलमा सहभागिता जनाएका हुन् । सहभागीमध्ये एक विद्यालय मात्रै सामुदायिक रहेको छ । सामुदायिक विद्यालयले छात्राहरुलाई प्रतिष्पर्दामा नपठाउँदा खेदबाट बञ्चित हुन परेको छ ।

सिद्धार्थनगर शिक्षा समितिका सदस्य तथा भानु माविका प्रचार्य मोतिलाल सुवेदीले अपरझट पत्र आएकै दिन फोटो सहितको सहभागिता निवेदन दिनुपर्ने, गर्मी तथा अभ्यास समयको अभाव, परीक्षाको तयारी भएकोले सहभागि नगराएको बताए । शिक्षा तथा यूवा खेलकुद शाखा समितिलाई जानकारी समेत नगराई प्रतियोगिता आयोजना गरेको उनले दुखेशो गरे ।

उपप्रमुख उमा काफ्लेले कर्मचारी अभावले व्यवस्थापनको जिम्मा नगरपालकाले नलिएर आव्हानमा संस्थागत रुपमा दिएको हो, छात्राहरुको अधिकारलाई सुरक्षित गर्न गराइएको कार्यक्रममा सहभागी नै नगराउनु अधिकारबाट बञ्चित गराउनु नै रहेको बताइन । नारा नै महिलाहरुको लागि खेलकुद भएपनि विद्यालयको कारणले छात्राहरुलाई अधिकार दिदा पनि आफ्नो प्रष्फुटन र क्षमता देखाउन नसकेको उनले भनिन् ।

उपाधि मनकामनालाई
तेस्रो उपप्रमुख महिला कपमाको उपधि मनकामना वोर्डिङ स्कुलले पाएको छ । गत वर्षको विजेताले यस वर्ष पनि सबै भन्दा बढि मेडल प्राप्त गरी उच्च अंकका साथ उपाधि जित्न सफल भएको हो । जितसँगै विजेता ले महिलाकपको रनिगंशिल्ड सहित ३१ हजार नगद पुरस्कार र प्रमाण पत्र पाएको छ । यस्तै नेपाल नालान्दा आवसीय वोर्डिङ स्कुल महिला कपको उपविजेता भएको छ । गत वर्ष दुवै विद्यालयले समान अंक ल्याएर उपाधि जितेका थिए ।

भलिबवल तर्फ मनकामना हाई स्कुल प्रथम, युनिभर्सल हाई स्कुल द्वितीय र सिबी पब्लिक तृतीय भएको छ । उनीहरुलाई क्रमशा नगद २० हजार, १० हजार र ५ हजारले पुरस्कृत गरिएको व्यवस्थापकिय संस्था सामुहिक विद्यालय परिवारका अध्यक्ष मनोज कुमार यादवले जानकारी दिए ।

वक्तृत्वकला प्रतियोगितामा नेपाल नालन्दाकी आयुषा ज्ञवाली प्रथम, जेसिस इगंलिस बोर्डिगं स्कुलकी कृति खनाल दोश्रो ,न्यू इरा स्कुलकी प्रिया गुप्ता तेस्रो भएकाी छन । त्यस्तै प्रतियोगिता उद्घाटन पूर्व भएको प्रभातफेरीमा सहभागी विद्यालय मध्ये प्रथम न्यू इरा ,दोश्रो जेसिज स्कुल र तेश्रो स्थान लुम्बिनी सृजनाले प्राप्त गरी पुरस्कृत भएका छन । हाजिरी जवाफ तर्फ मनकामना स्कुल प्रथम, न्यू इरा स्कुल द्वितीय । नेपाल नालन्दा तृतीय भएको विद्यालय परिवारका सचिव युवराज पोखरेलले बताए ।

चित्रकला तर्फ मनकामना स्कुलकी नेहा गुप्ता प्रथम, सिबी पब्लिक स्कुकी सकिना खातुन द्वितीय र लुम्बिनी सृजना स्कुलकी ओशिका जयसवाल तृतीय भएकी छन् ।

Leave a Reply

Your email address will not be published.

भर्खर

प्रमुख समाचार

Advertisement