सर्लाही ९ वैशाख । सर्लाही जिल्लाको बलरा नगरपालिका वडा नम्बर ७ का वडाध्यक्ष अवधेश मण्डलले आफ्नै वडाका सचिव रामेश्वर पण्डितमाथि कुटपिट गरेका छन् ।
राजिनामा दिई विदा हुन लागेका वडाध्यक्ष मण्डलले ल्याएको भर्पाईमा सही गर्न नमानेका कारण सचिव पण्डितमाथि कुटपिट गरेका हुन् ।
वडा कार्यालयमा भएका सबै सामान बरबुझारथ गरेको र सबै कागज पण्डितले जिम्मा लिएको भएपनि मण्डलले अर्को आफुले ल्याएको अर्को कागजमा पण्डितले हस्ताक्षर गर्न नमानेपछि उनीमाथि कुटपिट भएको हो ।
उनमाथि मण्डलले कुर्सीले प्रहार गरेका हुन् । पण्डितको टाउकोमा १६ वटा टाका लगाइएको छ । उनलाई सर्लाही अस्पताल उपचारको लागि लगिएको छ ।
यता, वडा अध्यक्ष मण्डले भने आफुलाई यस विषयमा केहि थाहा नभएको बताएका छन् ।
