धनगढी ८ जेठ । धनगढी उपमहानगरपालिकाको मेयरमा पराजित भएका नेपाली कांग्रेसका नृपबहादुर वडले आफ्नै पार्टीको असहयोगका कारण पराजय हुनु परेको बताएका छन् ।
मेयरमा विजयी भएका स्वतन्त्र उम्मेदवार गोपाल हमाललाई बधाई तथा शुभकामना दिन उपमहानगरपालिका कार्यालय पुगेका वडले पत्रकारसँग कुराकानी गर्दै यस्तो बताएका हुन् ।
गठवन्धनको साझा उम्मेदवार वडले आफुले पार्टीको चुनाव चिन्ह पाएर पनि मेयरमा स्वतन्त्र लडेको बताएका छन् ।
‘यहाँ नामको मात्र गठबन्धन भएको थियो। मेरो पार्टीको चुनाव चिन्ह पाएपनि म यसपटक मेयरमा स्वतन्त्र लडेको हुँ,’ उनले भने ।
नवनिर्वाचित मेयर हमालले आफ्ना राम्रा कामलाई निरन्तर दिनहुने विश्वास आफुलाई भएको बताएका उनले आफुले पुर्ण सहयोग गर्ने बताएका छन् ।
गएको निर्वाचनमा मयेरमा निर्वाचित भएका वड यस पटक स्वतन्त्र उम्मेदवार हमालसँग करिब दोब्बर मतले अगाडी पराजित भएका छन् ।
