दैलेखमा मध्यरातमा बस दुर्घटना हुँदा ४ जनाको मृत्यु भएको छ । मृतकहरुको नाम खुलिसकेको छैन । कालीकोटको जितेगडाबाट सुर्खेत आउँदै गरेको म १ ख ६६० नम्बरको बस दैलेखको आठबीस नगरपालिका २ सिस्नेमा दुर्घटना भएको प्रहरीले जनाएको छ । दुर्घटनामा परि ३ जनाको घटनास्थलमै मृत्यु भएको र एक जनाको उपचारका क्रममा मृत्यु भएको हो ।
दुर्घटनामा परि ४७ जना घाईते भएका छन् । जसमध्ये ९ जनाको दैलेखमा र अन्य ३८ जनाको सुर्खेतमा उपचार भईरहेको छ । दैलखेका प्रमुख जिल्ला अधिकारी हरि प्याकुरेलका अनुसार घाईते मध्ये ५ जनाको अवस्था अत्यन्तै गम्भिर रहेको छ । बसमा कति यात्रु थिए भन्ने बारे खुलिसकेको छैन ।
