कंगना रनौत अभिनित फिल्म धाकड रिलिज भएको ९ दिन बितिसकेको छ । यो फिल्मको कमाई दिनप्रतिदिन घट्दै गएको छ । यसैबीच, अब धाकडको आठौं दिनको सङ्ग्रह सार्वजनिक भएको छ । यो फिल्मले आठ दिनमा खासै कमाई गर्न सकेको छैन । तर आठौं दिनको कमाईले सबै सीमा नाघेको छ । रिपोर्टलाई विश्वास गर्ने हो भने, धाकडले शुक्रबार बक्स अफिसमा २० टिकट मात्रै बिक्री गरेको थियो । यो दिन फिल्मले चार हजार ४२० रुपैयाँ मात्रै कमाएको थियो ।
यो भन्दा पहिले कुनै बलिउड फिल्ममा यस्तो भएको थिएन । काकडका कारण कंगना रनौत पनि ट्रोलको सामना गरिरहेकी छिन् । कंगनाले अहिलेसम्म लगातार ९ फ्लप फिल्म दिएकी छिन् । फिल्मको बजेटको कुरा गर्दा ८० देखि ९० करोडको लागतमा फिल्म बनेको छ । बलिउड हंगामाको खबरका अनुसार यो फिल्मका निर्मातालाई ओटीटी र स्याटेलाइट राइट बेच्न पनि कठिनाइ भइरहेको छ ।
फिल्मका निर्माताहरूले रिलिजअघि यी अधिकारहरू बिक्री गरेका छैनन्। फिल्म निकै हिट हुने र पछि सम्झौता भए फाइदा हुने निर्माताहरुले सोचेका थिए । यस्तो अवस्थामा अहिले फिल्मको कमाइ कमजोर देखेर कोही पनि किन्न तयार छैनन् । धाकडले पहिलो दिन ५० लाख रुपैयाँ संकलन गरेको थियो । त्यसयता फिल्मको कलेक्शन घट्दै गएको छ । धाडले ६ दिनमा चार करोड मात्रै संकलन गरेको बताइएको छ । अब यो फिल्मको कमाई ५ करोडसम्म पुग्ने देखिएको छ । वास्तवमा कंगना र धाकडको टिमले ठूलो घाटा बेहोर्नु परेको छ ।
अर्जुन रामपाल र दिव्या दत्तले कंगना रनौतसँग ‘धाकड’मा काम गरेका छन् । चलचित्रले दर्शक र समीक्षकबाट मिश्रित प्रतिक्रिया पाएको छ । भुल भुलैया २ सँग धाकडको भिडन्त भएको थियो । कार्तिक आर्यन र कियारा आडवाणी स्टारर फिल्म ‘भूल भुलैया २’ ले बक्स अफिसमा सय करोडको आँकडा पार गर्ने भएको छ । धाकडको कमाइ कमजोर भएकाले उनको शो रद्द गरी भुल भुलैया २ लाई स्क्रिन दिइएको बताइएको छ ।
