काठमाडौं १६ साउन । तारकेश्वर नगरपालिका २ काभ्रेस्थलीस्थित पदमसालमा एकै परिवारका चार जना मृत भेटिएका छन् ।
घटनास्थलमा पुगेका तारकेश्वर नगरपालिकाका मेयर कृष्णहरि महर्जनले दिएको जानकारी अनुसार गोरखा घर भई पदमसालमा बस्दै आएका दिनेश पाण्डेको चारै जान परिवारको हत्या भएको हो ।
मृत्यु हुनेमा दिनेश पाण्डे, उनकी श्रीमती सुनीता काप्री पाण्डे, ११ वर्षका छोरा आशिक र छोरी आशिका र रहेका छन् ।
घटनास्थल विभत्स भएको बताएका मेयर मर्हजनले सुनीता र छोराछोरीको शव एउटा कोठामा भएको र दिनेशको अर्को कोठामा रहेको बताए ।
घटनास्थल हेर्दा दिनेशले परिवारको हत्या गरी आत्महत्या गरेको हुन सक्ने बताइएको छ । यस विषयमा थप प्रहरीले अनुशन्धान गरिरहेको छ ।
