काठमाडौं २० साउन । नेकपा (एकीकृत समाजवादी) का अध्यक्ष माधवकुमार नेपालले राजनीतिक यात्रा सजिलो नभएको बताएका छन् ।
शुक्रबार एक कार्यक्रममा सहभागी भएका नेपालले राजनीति गर्ने काम सजिलो नभएको बताएका हुन् ।
जनताको सेवा गर्ने, समाज परिर्वतन गर्ने र देशको गरिमालाई माथि उठाउने पुराना योद्धाहरुको आचरण अनुरुपमा राजनीतिक उद्देश्य राख्नुपर्नेमा जोड दिएका उनले पुराना महिला योद्धाहरुलाई राजनीति गर्न धेरै गाह्रो भएको स्मरण गरे ।
पुराना योद्धाहरूबाट प्रेरणा लिन,सम्मान गर्न र उनीहरुको योगदानको प्रशंसा गर्न सकेमात्र इतिहासको कदर गरेको ठहरिने बताएका उनले अहिलेका राजनीतिक नेतृत्वले इतिहासको कदर गर्न सके मात्रै भविष्यले वर्तमानको कदर गर्ने बताए ।
