पोखरा । पोखराको बिरौटा चोकमा बेंकको एटिएम फोर्दै गरेको अवस्थामा एक जना पक्राउ परेका छन् । पक्राउ पर्नेमा पर्वतको कुश्मा नगरपालिका-३ का २३ वर्षीय कृष्ण बहादुर विक रहेका छन् ।
विकलाई कास्की प्रहरीले शुक्रबार राति एटिएम मेशिन फोर्दैगर्दा पक्राउ गरेको हो । विरौटामा एनआइसी एशिया बैंकको एटिएम मेसिन फोरिरहेको बेला उनलाई राति ११ बजे पक्राउ गरिएको जिल्ला प्रहरी कार्यालय कास्कीले जनाएको छ ।
बिकलाई हाल कास्की जिल्ला अदालतबाट दिन ७ को म्याद थप अनुमति लिई चोरी उद्योग कसूरमा थप अनुसन्धान भइरहेको छ
