काठमाडौं २५ साउन । नेकपा माओवादी केन्द्रका पाध्यक्ष एवं प्रवक्ता कृष्णबहादुर महराले समाजवादी केन्द्रको नेतृत्व र विचार माओवादी नै भएको बताएका छन् ।
बुधबार लुम्बिनी प्रदेश कमिटीको बैठकमा अगुवा कार्यकर्तालाई निर्देशन दिँदै नेताअ महरालले समाजवादी केन्द्रको नेतृत्व र विचार माओवादी नै भएकाले आगामी चुनावमा जनमत सुधारका लागि लाग्न कार्यकर्तालाई निर्देशन दिएका हुन् ।
पार्टी बनाउने हो भने जनतामा जानु पर्ने बताएका उनले जनतालाई सधैँ प्राथमिकता दिनुपर्ने बताए ।
महराले भने, ‘यदि हामी पार्टी बनाउन चाहन्छौं भने जनतामाझ जाऔँ, जनतालाई सधैँ प्राथमिकता दिएर अगाडि बढौँ, जनताको बीचमा गएर पार्टीलाई सुधार गरौँ ।’
जनतालाई कुन पार्टीले के कार्यक्रम ल्यायो भन्ने अर्थ महत्वपूर्ण हुने भएकाले सरकार कसको भन्ने विषय महतवपुर्ण नभएको महराले बताए ।
