काठमाडौं २६ साउन । कोरोना संक्रमण दर दिनप्रति दिन बढ्दै गएपछि छिमेकी मुलुक चीनले नेपालतर्फका दुवै स्थल नाका बन्द गरेको छ ।
चीनको तिब्बत क्षेत्रमा कोरोना बढ्दै गएको भन्दै चीनले तातोपानी र रसुवागढी नाका बन्द गरेको गरेको हो ।
त्यहाँस्थित नेपाली भन्सार कार्यालयल दिएको जानकारी अनुसार रसुवागढी नाकाबाट गत शनिबार र तातोपानी नाकाबाट बुधबारबाट मालसामान आउन बन्द भएको छ ।
केही दिन अघिसम्म एक दुई वटा कन्टेनर आइरहेकोमा औपचारिक कुनै जानकारी विना नै बुधबारबाट नाका बन्द भएको छ । यस विषयमा चीनले कुनै जानकारी दिएको भने छैन ।
रसुवागढी भन्सार प्रशासक डा. रामप्रसाद मैनालीले बताए अनुसार कुनै पनि औपचारिक जानकारी विनानै शनिबारदेखि रसुवागढी नाका भएर आउने मालसामान आयात भएको छैन ।
