काठमाडौं ।
मानिसहरुले रमाइलो गर्ने अनेक बाहान सँधै खोजीरहेका हुन्छन् ।
नेपालमा बहुबिबाह अहिले बर्जित भएता पनि दुनियाका कतिपय स्थानमा भने अहिले पनि बहुविबाह गरेका समाचारहरु बेलाबेलामा आइ नै रहेका हुन्छन् ।
पटक पटक गरेर एकै पुरुषले धेरै महिलाहरुसँग गर्दै आएका विबाहको समाचारहरु तपाई हामीले पढ्दै सुन्दै आएको भएता पनि आज हामी तपाईलाई एक युवकले एकसाथ ९ युवतीसँग विबाह गरेको रोचक खबर सुनाउँदैछौँ । खबर हो ब्राजिलको ।
ब्राजिलका मोडल आर्थर ओ उर्सोले ९ वटी पत्निसँग एकसाथ विबाह गरेपछि अहिले उनी संसारभर भाइरल बनेका छन् । उनले एकसाथ ९ वटी पत्निसँग विबाह गरेता पनि उनले एउटी पत्निलाई विबाह लगत्तै छाडिदिएपछि अहिले उनीसँग ८ वटी पत्नि रहेका छन् ।
एक पुरुषले एक महिलासँग गर्ने विबाहलाई राम्रो नमान्ने बताउने आर्थरले प्रेम जीवन र मस्तीलाई विशेष प्राथमिकतामा राख्दै आए । उनले धेरै युवतीहरुसँग एकसाथ प्रेम गरे पश्चात अहिले यो मोडमा पुगेको उनी स्वयम बताउँछन् ।
ब्राजिलमा पनि बहुविबाह गैरकानुनी भएता पनि आर्थरले अहिलेसम्म कानुनी हिसाबले ठूलो अप्ठ्यारो भोग्नु नपरेता पनि उनलाई अहिले असजिलो भने हुँदै गइरहेको छ ।
आर्थरले अहिले आँफुलाई खर्च धान्न अप्ठ्यारो परेता पनि आफ्नी वास्तविक पत्नि लुखाना कंजाकी निकै बुझ्ने महिला भएका कारण कुनै समस्या नआएको उनी बताउँछन् । आर्थर भन्छन् अहिले त यति धेरै पत्नि पाल्नै धौ धौ भएको छ ।
