लमजुङ, ७ असोज :
दोर्दी गाउँपालिका(६ ढोडेनी भएर बग्ने दोर्दी खोलामा लिवर्टी इनर्जी कम्पनीले निर्माण गरेको २५ मेगावाटको माथिल्लो दोर्दी ‘ए’ को निर्माण पूरा भएको छ । आयोजनाको सिभिल संरचना र उपकरण जडानलगायत सबै क्षेत्रको काम सकिएको आयोजनाका सञ्चालकक राजेन्द्र वस्ती बताउँछन् ।
‘नेपाल विद्युत प्राधिकरणको प्राविधिक टोली आएसँगै बिजुली उत्पादन परीक्षण सुरु गरिनेछ,’ उनले भने। आयोजनाको दुई साताको बिजुली उत्पादन परीक्षण सफल भएमा व्यापारकि उत्पादन सुरू गरिनेछ । आयोजनाको विद्युत प्राधिकरणको कीर्तिपुर सबस्टेसनमा जोडिनेछ ।
आयोजना निर्माणको काम यसअघिनै अन्तिम चरणमा पुर्याए पनि २०७८ असारमा आएको बाढीले ठूलो क्षति पुर्याउँदा प्रभावित भएको थियो । बाढीले पुर्याएको क्षतिको पुनर्निर्माणको काम सकिएको हो । आयोजनाबाट २०७६ चैतदेखि विद्युत उत्पादन सुरु गर्ने तालिका थियो । तर, प्रसारण लाइनको समस्या, कोरोना महामारी र बाढीपहिरोको कारण उत्पादन तालिका धकेलिँदै आएको आयोजनाले जनाएको छ ।
यसअघि आयोजना सम्पन्न गर्न चार अर्ब ६४ करोड ६१ लाख रुपैयाँ लागतमा सम्पन्न भएको थियो । बाढीले पुर्याएको क्षतिको पुनर्निर्माण गर्दा लागत बढेको छ । आयोजना सञ्चालनमा आएपछि वार्षिक १३ करोड ६७ लाख ८४ हजार ८ सय ६९ युनिट विद्युत उत्पादन हुनेछ । दोर्दी कोरिडोरमा माथिल्लो दोर्दी ‘ए’ सँगै ५४ मेगावाटको सुपर दोर्दी ‘ख’, १२ मेगावाटको दोर्दी(१ लगायत आयोजना निर्माणाधीन छन् । २७ मेगावाटको दोर्दी खोलाले भने विद्युत उत्पादन परीक्षण सुरु गरेको छ ।
