उपराष्ट्रपति पुनले गरे शताब्दी पुरुष जोशीको स्वास्थ्य लाभको कामना — OSNepal

उपराष्ट्रपति पुनले गरे शताब्दी पुरुष जोशीको स्वास्थ्य लाभको कामना

LC (KTM) October 01, 2022 0

काठमाडौँ-उपराष्ट्रपति नन्दबहादुर पुनले संस्कृतिविद् शताब्दी पुरुष सत्यमोहन जोशीको स्वास्थ्य लाभको कामना गर्नुभएको छ । आज बिहान ग्वार्कोस्थित किष्ट मेडिकल कलेजमा पुगेर उहाँले त्यहाँ उपचाररत् शताब्दी पुरुष जोशीको स्वास्थ्य लाभको कामना गर्नुभएको हो ।

उपराष्ट्रपतिले जोशीको स्वास्थ्य अवस्थाका बारेमा जानकारीसमेत लिनुभएको र उपचारमा संलग्न चिकित्सकले उहाँको स्वास्थ्यमा उल्लेख्य सुधार आएको जानकारी गराएको उपराष्ट्रपतिको सचिवालयले बताएको छ ।
जोशीको स्वास्थ्यमा आएको उल्लेख्य सुधारमा उपराष्ट्रपतिले खुसी व्यक्त गर्नुभयो । “यहाँ राष्ट्रपिता हुनुहुन्छ । पिताको स्वास्थ्यमा आएको सुधारले म निकै खुसी भएको छु”, जोशीलाई राष्ट्रपिताका रुपमा सम्बोधन गर्दै उपराष्ट्रपतिले भन्नुभयो, “यहाँ चाँडै डिस्चार्ज भएर घर फर्कनु हुने मलाई विश्वास छ ।” शताब्दी पुरुष जोशी डेङ्गु सङ्क्रमण र अन्य स्वास्थ्य समस्याले किष्ट मेडिकल अस्पतालमा उपचाररत हुनुहुन्छ ।

Leave a Reply

Your email address will not be published. Required fields are marked *

भर्खर