OSNepal आइतबार, मंसिर १९ २०७८

दुर्घटनामा परी गम्भीर घाइते भएकी निशा घिमिरेको स्वास्थ्यमा क्रमिक सुधार,मुहारमा देखियो यस्तो चमक

दुर्घटनामा परी गम्भीर घाइते भएकी निशा घिमिरेको स्वास्थ्यमा क्रमिक सुधार,मुहारमा देखियो यस्तो चमक

  • OSNepal
  • सोमबार, असार १४ २०७८


दुर्घटनामा परी गम्भीर घाइते भएकी निशा घिमिरेको स्वास्थ्यमा क्रमिक सुधार,मुहारमा देखियो यस्तो चमक
Reading Time: < 1 minute

काठमाडौं । दुर्घटनामा परी गम्भीर घाइते भएकी मोडल तथा अभिनेत्री निशा घिमिरेको स्वास्थ्यमा सुधार आएको छ । नर्भिक अस्पतालमा उपचाररत निशाको उपचारपछि स्वास्थ्य अवस्थामा क्रमिक रुपमा सुधार आएको चिकित्सकले जनाएका छन् । उनको शरीरका घाउहरू निको हुन थालेको र स्वास्थ्य अवस्थामा पनि सुधार भइरहेको नर्भिकले जनाएको छ । अस्पतालले एक विज्ञप्ति जारी गर्दै उचित उपचार, आहार विहार र केयरिङ पाएका कारण उनको मुहारमा चमक देखिएको बताएको छ । विज्ञप्तिका अनुसार अस्थिपञ्जर मात्रै बाँकी रहेको जस्तो देखिने उनको अहिले ह्विलचेयर थेरापी, म्युजिक थेरापी लगायतका विभिन्न विधिबाट उपचार भइरहेको छ । अभिनेत्री निशाको डा। पंकज जलानको टिमले उपचार गरिरहेको छ । डा। जलानले अस्पतालमा आउँदा जिउँदो लाशजस्तो रहेकी उनी अहिले चलमलाउन थालेको बताए ।सौर्य दैनिकमा खबर छ । उनले भने, ‘बुझेजस्तो गरी शरीर तथा अनुहार र आँखाको हाउभाउबाट प्रतिक्रिया समेत दिन थालेकी छन् । भोक लाग्दा संकेत दिनेसम्मको भएकी छन् ।’ डा। जलानले नर्भिकले सकेसम्म सबै विकल्पमा गएर गरिरहेको बताए । दुर्घटनाका कारण निशाको ब्रेन इञ्जुरी भएको र त्यसको अवस्था निकै जटिल रहेकाले पूर्णरुपमा नर्मल हुने सम्भावना भने न्यून रहेको डा। जलानले सुनाए ।

उनले भने, ‘उहाँको ब्रेनमा निकै ड्यामेज भएको छ । तर, आएको बेलाको तुलनामा घाउहरु निको हुन थालेका छन् । हामीले डाइट र थेरापीमा फोकस गरिरहेका छौं । प्रोटिन, क्यालोरिज प्रशस्त दिइरहेका छौं । हिजोबाट ह्वीलचेयरमा समेत बसाउन सुरु गरेका छौं ।’ डा। जलानले निशाको अवस्थालाई ‘जनरल कण्डिसन इम्प्रुभ’ भएको अवस्थाको रुपमा बुझ्नुपर्ने बताए । निशाको उद्धार गर्नुअघिको अवस्था निकै दर्दनाक थियो । तीन वर्षअघिसम्म सञ्चार माध्यममा आइरहने उनलाई नर्भिक अस्पतालकी प्रबन्ध निर्देशक मेघा चौधरीले गत २७ गते उद्धार गरेकी थिइन् । मेघाकै पहलमा अस्पतालको विशेष उपचार कक्षमा राखेर उनको उपचार भइरहेको छ । निशा तीन वर्षअघि अभिनयको कोर्स पढ्न भारत गएको समय सडक दुर्घटनामा परी गम्भीर घाइते भएकी थिइन् । उपचारका लागि आर्थिक अभाव भएपछि उनी घरमै अर्धचेत अवस्थामा रहेकी थिइन् ।

प्रतिक्रिया
सम्बन्धित समाचार

  • फेसबुक
  • ट्वीटर
  • युट्युब
  • A यूनिकोड