काठमाडौं । नेकपा माओवादी केन्द्रले चुनाव लक्षित गीत सार्वजनिक गरेको छ । ‘ए माओवादी केटी’ बोल गीतमा चर्चित डान्सर तथा मोडल विना राउत र सरोज प्रजा रानाले अभिनय तथा नृत्य गरेका छन् । भिडियोमा विना र सरोजको अनस्क्रिन रोमान्स देख्न सकिन्छ ।
भिडियो शनिबार युट्युबमार्फत सार्वजनिक गरिएको हो ।वि–स्टार नेपाल नामक युट्युब च्यानलमार्फ सार्वजनिक गीतमा संगीतकार समेत रहेका चेतन सापकोटा र पवित्रा गुरुङको स्वर रहेको छ ।समीर दाहालले लेखेको गीतका लागि सुरेश अधिकारीले संगीत संयोजन गरेका छन् ।
यो भिडियो कुनै व्यवसायी म्युजिक भिडियोमा भन्दा कम छैन । चर्चित कलाकारलाई लिएर निर्माण गरिएको यो भिडियो युट्युबमा अपलोड गरेको केही घण्टामै चर्चामा आएको छ ।
