लण्डन, ६ जुन २०२५ – बेलायतस्थित नेपाली विद्यार्थी र समुदायको भरपर्दो डिजिटल थलोका रूपमा चिनिएको सामुदायिक वेबसाइट Nepaluk.com पुनः सुरु भएको छ। करिब २० वर्षअघि नेपालीहरूलाई सूचित गर्ने र समुदायलाई जोड्ने उद्देश्यले सुरु गरिएको यो प्लेटफर्म लामो समयदेखि निष्क्रिय रहँदै आएको थियो। शुक्रबारदेखि यसले पुनः औपचारिक रूपमा सञ्चालन थालेको छ।
Nepaluk.com का संस्थापक तथा सञ्चालक कृष्ण भट्टका अनुसार बेलायतमा बसोबास गर्ने नेपाली विद्यार्थी, परिवार र पेशाकर्मीहरूको बढ्दो संख्यालाई लक्षित गरी वेबसाइटलाई अझ बलियो, व्यापक र उद्देश्यपूर्ण रूपमा सञ्चालनमा ल्याइएको हो। “आजको यो पुनः शुभारम्भले लामो समयदेखिको एक महत्वपूर्ण अभावलाई पुरा गर्ने विश्वास लिएका छौं,” भट्टले बताए।
उनका अनुसार नेपालुक डटकमले बेलायतमा बसोबास गरिरहेका नेपालीहरू तथा नेपालबाट आउन तयारी गरिरहेका नयाँ आगन्तुकका लागि विश्वसनीय जानकारी, व्यावहारिक सहयोग र समुदायको आत्मीयता दिने खालको एकै थलोको काम गर्नेछ। “अब यहाँ कसैले पनि एक्लो महसुस गर्नु पर्दैन,” भट्टले भने, “प्रश्न सोध्न, सहयोग खोज्न वा समुदायसँग जोडिन सकिने व्यवस्था गरिएको छ।”
Nepaluk.com मा विभिन्न सेवा सुविधाहरू उपलब्ध छन्:
त्यसैगरी, विदेशमा बसाइँ सुरु गर्दा देखिने मानसिक तनाव, एक्लोपन, चिन्ता र आर्थिक समस्याहरूलाई सम्बोधन गर्न वेबसाइटले विशेष सूचना सेवा पनि सुरु गरेको छ।
📞 सम्पर्क सहायता नम्बर: +44 (0) 7745917113
🕒 समय: सोम–शुक्र, बिहान १० देखि साँझ ६ बजे (यूके समय)
📧 इमेल: [email protected]
भट्टका अनुसार सोधिएका प्रश्नहरूको विवरण गोप्य राखिने र कुनै पनि तेस्रो पक्षलाई व्यापारिक प्रयोजनका लागि नदिइने प्रतिबद्धता व्यक्त गरिएको छ।
साथै, बेलायतका भूतपूर्व गोर्खा, उनीहरूको परिवार र नेपाली समुदायका प्रेरणादायी कथा, सामुदायिक कार्यक्रम, सांस्कृतिक पर्वहरूको जानकारी र नेपाली व्यवसायहरूको प्रवर्द्धनका लागि पनि यो वेबसाइटले विशेष ठाउँ राख्ने बताइएको छ।
“चाहे तपाईं पहिलो पटक अध्ययनका लागि आउन लाग्नुभएको होस्, रोजगारीको खोजीमा हुनुहोस् वा दोस्रो पुस्ताका नेपाली-बेलायती नागरिक हुनुहोस् — Nepaluk.com तपाईंका लागि एक साझा डिजिटल केन्द्र हो। यो समुदायले निर्माण गरेको र समुदायकै लागि बनेको प्लेटफर्म हो,” भट्टले भने, “यसलाई अझ मजबुत बनाउन तपाईंहरूको सुझाव र सहयोगको अपेक्षा राखेका छौं।”
