काठमाडौं । विदेश पठाइदिने भन्दै ठगी गर्ने दुई जना व्यक्तिहरूलाई काठमाण्डौं उपत्यकाका विभिन्न स्थानबाट पक्राउ गरिएको छ। काठमाडौं उपत्यका अपराध अनुसन्धान कार्यालय टेकुले दिएको जानकारी अनुसार बेरोजगार युवायुवतीलाई आकर्षक तलब र वैदेशिक रोजगारीको सपना देखाएर ठगी गर्ने कार्यमा संलग्न रहेका उनीहरूलाई पक्राउ गरी सम्बन्धित निकायमा अनुसन्धानका लागि पठाइएको हो।

पक्राउ परेकाहरूको विवरण यसप्रकार छ:

१. दिपा शर्मा (३५ वर्ष)

– स्थायी ठेगाना: कपिलवस्तु, शिवराज नगरपालिका–५

– हाल: काठमाडौं, बुढानीलकण्ठ नगरपालिका–११

– लक्ष्य देश: क्यानडा

– ठगी रकम: रू. २३ लाख ५० हजार

– पक्राउ मिति: २०८२ साल जेठ ३० गते

– पक्राउ स्थान: बुढानीलकण्ठ, काठमाडौं

– पीडित संख्या: १ जना

– अनुसन्धानको लागि पठाइएको कार्यालय: जिल्ला प्रहरी परिसर भद्रकाली, काठमाडौं

२. व्रिजेश सुवेदी (२७ वर्ष)

– स्थायी ठेगाना: झापा, भद्रपुर नगरपालिका–४

– लक्ष्य देश: युके (UK)

– ठगी रकम: रू. २ लाख ५० हजार

– पक्राउ मिति: २०८२ साल असार १ गते

– पक्राउ स्थान: काठमाडौं महानगरपालिका–१२

– पीडित संख्या: १ जना

– अनुसन्धानको लागि पठाइएको कार्यालय: वैदेशिक रोजगार विभाग, ताहाचल, काठमाडौं

उनीहरूलाई लामो समयसम्म वैदेशिक रोजगारीको नाममा झुक्याएर सम्पर्कविहीन भएको भन्ने उजुरीका आधारमा पक्राउ गरिएको हो। थप अनुसन्धान भइरहेको प्रहरीले जनाएको छ।