OSNepal आइतबार, मंसिर १९ २०७८

अध्यादेशका कारण नेपाली कांंग्रेसमा विभाजनको अवस्था आउन सक्ने भन्दै पौडेलले भने, देउवा सरकार ओलीकै प्रवृत्तिको निरन्तरता हो

अध्यादेशका कारण नेपाली कांंग्रेसमा विभाजनको अवस्था आउन सक्ने भन्दै पौडेलले भने, देउवा सरकार ओलीकै प्रवृत्तिको निरन्तरता हो

  • OSNepal
  • आइतबार, भाद्र ६ २०७८


अध्यादेशका कारण  नेपाली कांंग्रेसमा विभाजनको अवस्था आउन सक्ने भन्दै पौडेलले भने,  देउवा सरकार  ओलीकै प्रवृत्तिको निरन्तरता हो
Reading Time: < 1 minute

काठमाडौं भदौ ६ । सत्तारुढ दल नेपाली कांग्रेसका नेता प्रदीप पौडेलले पार्टीको चौधौं महाधिवेशन पुस्ता हस्तान्तरणका लागि कोसेढुंगा हुने बताएका छन् । आज बिहान एक कार्यक्रममा सहभागी भएका नेता पौडलले यस्तो खुलासा गरेका हुन् ।

‘कांग्रेसमा पुस्ता हस्तान्तरणका लागि चौधौं महाधिवेशन कोसेढुंगा हुन्छ । मुख्य नेतृत्वमा यसै भन्न सक्दिनँ । बाँकी पदाधिकारी र केन्द्रीय कार्यसमितिमा धेरैजसो तेस्रो पुस्ता या युवा भनिने नयाँ अनुहार आउँछ । तर केन्द्रीय कार्यसमितिमा नआईकन एकैचोटि पदाधिकारीमा आउने भनेको चाहिँ होइन ।’कार्यक्रममा उनले भने ।

कार्यक्रममा पौडेलले क्रियाशील सदस्यतासम्बन्धी प्रतिवेदन आज सभापति शेरबहादुर देउवालाई बुझाइने र निर्वाचन निर्देशिका छाप्न गइसकेकाले महाधिवेशनको टुंगो लाग्ने पनि जनाएका छन् । उनले मन्त्रिपरिषद् विस्तार नहुनुको अपजस देउवालाई नै जाने बताएका उनले सरकारले पुर्णता नपाउनुमा माधव नेपाल समुहको नयाँ पार्टीको सनाखत हुन नसकेर भएको जनाएका छन् ।

‘आन्तरिक कारण बुझ्दा माधव नेपालको दलका कारण विस्तार हुन नसकेको हो । पौडेलले अघि भनेका छन् , तर हामीले मन्त्रिपरिषद् विस्तार गर्न प्रधानमन्त्रीलाई सुझाव दिइरहेका छौं । सरकारको प्रभावकारिता निर्वाचनसँग पनि जोडिएको छ । निर्वाचनमा क्षति बढ्ने र निराशा ल्याउने स्थिति आउनु हुँदैन ।’

उनले केपी ओलीले ल्याउँदा गलत हुने अध्यादेश देउवाले ल्याउँदा कसरी ठीक भयो भन्दै सत्ता ओली प्रवृतिको निरन्तरता भएको समेत बताएका छन् । ‘दल विभाजनसम्बन्धी अध्यादेश केपीले ल्याउँदा बेठीक, देउवाले गर्दा कसरी ठीक हुन्छ ? सत्ता नै प्रधान बनाउनु गलत हो । यो केपी ओलीकै प्रवृत्तिको निरन्तरता हो । संविधान बनाउने नेताहरु नै किन यस्तो चाहिरहनुभएको छ ? हामीलाई थाहा छ, अध्यादेश गठबन्धनको दबाबका कारण आयो । तर ओलीलाई अध्यादेशको विरोध गर्ने नैतिकता छैन ।’

अध्यादेशका कारण नेपाली कांंग्रेस मै पनि विभाजनको अवस्था नआउनला भन्न सकिन्न उनले भनेका छन् ।

प्रतिक्रिया
सम्बन्धित समाचार

  • फेसबुक
  • ट्वीटर
  • युट्युब
  • A यूनिकोड