पाथीभरा माइले हामी सबैको रक्षा गरुन, हेर्नुहोस आजको राशीफल



सूर्य शौर्यमथेन्दुरुच्चपदवीं सन्मङ्गलं मङ्गलं । सद्वुद्धिं च वुधो गुरुश्च गुरुतां शुक्रः शुभं शं शनिः ।।
राहुर्वाहुबलं करोतु सततं केतुः कुलस्योन्नतिं । नित्यं प्रीतिकरा भवन्तु मम ते सर्वेऽनुकूला ग्रहाः ।।

पञ्चाङ्ग
श्रीसूर्य उत्तरायण,शिशिरर्तुः,विरोधकृत् नाम संवत्सर,श्रीशाके १९४०,विक्रमादित्य सम्वत २०७५ साल माघ २८ गते सोमबार नेपाल सम्बत ११३९ सिल्लाथ्व तदनुसार सन् २०१९ फेब्रुवरी ११ तारिक शुक्लपक्ष षष्ठी तिथि विहान ११ वजेर १ मिनेटसम्म उप्रान्त सप्तमी तिथि,अश्विनी नक्षत्र अपरान्ह ५ वजेर २३ मिनेटसम्म उप्रान्त भरुणी नक्षत्र, शुभयोग,तैतिलकरण,आनन्दादियोग राक्षस,सूर्य मकर राशीमा,चन्द्रमा मेष राशीमा । योगिनी पश्चिम दिशामा विहान ११ वजेर १ मिनेटसम्म उप्रान्त वायव्य दिशामा,काल वायव्य र पाश आग्नेय दिशामा एवं चन्द्रमा पूर्व दिशामा रहनेछन् । उत्तरको यात्रा थोरै शुभ देखिन्छ ।

मुहूर्त
राहुकालः–अशुभ विहान ८ वजेर ९ मिनेटबाट ९ वजेर ३२ मिनेटसम्म रहनेछ । अशुभ यमघण्टायोगः– विहान १० वजेर ५५ मिनेटबाट मध्यान्ह १२ वजेर १८ मिनेटसम्म रहनेछ । गुली कालः–सामान्य अपरान्ह १ वजेर ४१ मिनेटबाट ३ वजेर ४ मिनेटसम्म रहनेछ । दूरमुहूर्तः–अशुभ मध्यान्ह १२ वजेर ४० मिनेटबाट अपरान्ह १ वजेर २५ मिनेटसम्म र २ वजेर ५३ मिनेटबाट ३ वजेर ३८ मिनेटसम्म रहनेछ । शुभ अभिजित मुहूर्तः–पूर्वान्ह ११ वजेर ५६ मिनेटबाट मध्यान्ह १२ वजेर ४० मिनेटसम्म रहनेछ ।

दिनबार बेला
सूर्योदयबाट प्रातः ८ वजेर १० मिनेटसम्म अमृत वेला,८ वजेर १० मिनेटबाट ९ वजेर ३३ मिनेटसम्म काल वेला,९ वजेर ३३ मिनेटबाट १० वजेर ५६ मिनेटसम्म शुभ वेला,१० वजेर ५६ मिनेटबाट १२ वजेर १९ मिनेटसम्म रोग वेला,१२ वजेर १९ मिनेटबाट १ वजेर ४२ मिनेटसम्म उद्वेग वेला,१ वजेर ४२ मिनेटबाट ३ वजेर ५ मिनेटसम्म चर वेला,३ वजेर ५ मिनेटबाट ४ वजेर २८ मिनेटसम्म लाभ वेला र ४ वजेर २६ मिनेटबाट सूर्यास्तसम्म अमृत वेला रहनेछ ।

रात्रीबार बेला
सूर्यास्तबाट ७ वजेर २८ मिनेटसम्म चर वेला,७ वजेर २८ मिनेटबाट ९ बजेर ५ मिनेटसम्म रोग वेला,९ वजेर ५ मिनेटबाट १० वजेर ४२ मिनेटसम्म काल वेला,१० वजेर ४२ मिनेटबाट १२ वजेर १९ मिनेटसम्म अमृत वेला,१२ वजेर १९ मिनेटबाट १ वजेर ५६ मिनेटसम्म उद्वेग वेला,१ वजेर ५६ मिनेटबाट ३ वजेर ३३ मिनेटसम्म शुभ वेला,३ वजेर ३३ मिनेटबाट ५ वजेर १० मिनेटसम्म अमृत र ५ वजेर १० मिनेटबाट सूर्योदयसम्म चर वेला रहनेछ ।

मेषः– काममा देखिएका समस्या कम हुनेछन् । शारीरिक एवं मानसिक स्फूर्ति बढ्नेछ । पढाई लेखाईमा थोरै ध्यान जानेछ । व्यापार व्यवसायमा सामान्य सुधार आउनेछ । अनावस्यक खर्चमा कमि आउनेछ । आफन्तबाट सहयोग सहानुभुति मिल्नेछ । महत्वकाँक्षा जाग्नेछ । उत्तम भोजन र आसन प्रप्तिको योग देखिन्छ ।

वृषः– अस्थिरता बढ्नेछ । कार्य लनगशिलता घट्दा उपलब्धि घट्नेछ । पिताको स्वास्थ्यमा समस्या आउन सक्छ । काम गर्दा आलोचना सहनु पर्नेछ । कसैबाट माया ममतामा पाईने छैन । फजुल खर्चमा वृद्धि हुनेछ । दुर्जनहरुले पिछा गर्ने छन् । व्यापारमा गरेको लगानी डुब्न सक्छ । परिश्रमको मुल्य लिन ठुलै कसरत गर्नु पर्नेछ । आस्था र विश्वासमा चोट लाग्न सक्छ ।

मिथुनः– मान्य जनको सहयोग सहानुभूति मिल्नेछ । आकस्मिक आम्दानीको योग देखिन्छ । व्यापार व्यवसायबाट आय आर्जन राम्रो हुनेछ । घर परिवारमा सुख,शान्ति मिल्नेछ । उधारो कारोवार नगर्नु होला । प्रयत्न गरेमा बक्यौता रकम उठ्नेछ । पुराना मित्रहरु भेटिने छन् । पढाई लेखाईमा प्रगति हुनेछ ।

कर्कटः– सकरात्म सोचको विकाश हुनेछ । असहज परिस्थितिको सामना हुनेछ । रोकिएका कामले गति लिनेछ । कर्म प्रप्तिको योग देखिन्छ । नोकरी तथा राजनीतिमा भूमिकाको खोजी हुनेछ तर प्राप्त गर्न गाह्रो हुनेछ । गुमेको विश्वास पलाउनेछ । कार्य क्षमता बढ्नेछ । सहयोगी मन भेटिने छन् । सामाजिक उत्तरदायित्व बहन गर्नु पर्नेछ ।

सिंहः– समयमा पूर्ण होईन आँशिक सुधार आउनेछ । आन्तरिक भन्दा बाह्य काम बढि हुनेछन् जसका कारण आफ्ना उपलब्धिका काम ओझेलमा पर्ने देखिन्छ । आशा र भरोसामा काम गर्दा पछि परिनेछ । घर डेराको समस्या पर्न सक्छ । पढाईमा रुची बढ्नेछ । धार्मिक क्रियाकलपमा सक्रियता बढ्नेछ । फलदायी यात्राको सम्भावना देखिन्छ ।

कन्याः– हेलचक्र्याई नगर्नु होला,सोचेर काम गर्नु होला दिन प्रतिकुल बढि देखिन्छ । आशा र भरोसा निराशामा परिणत हुनेछ । काम गर्ने वातावरण भत्किने छ । दुष्टहरुको सक्रियता बढ्नेछ । दैनिका काममा समस्या आउनेछ । मानसिक तनाव बढ्नेछ । अहार विहार नमिल्दा स्वास्थ्य कमजोर हुनेछ । लगानी नबढाउनु होला ।

तुलाः– समयले साथ दिनेछ । हेलचक्र्याई नगरि काम गर्नु होला सपनाले साकार रुप लिनेछ । प्रयत्न गरेमा नयाँ काम हात पार्न सकिनेछ । पुराना समस्या समाधान हुनेछन् । दैनिका काममा प्रगति हुनेछ । व्यापार व्यवसायबाट आम्दानी बढ्नेछ । पारिवारिक सहयोग मिल्नेछ । दामपत्य जीवनमा सुखानुभूति हुनेछ ।

वृश्चिकः– आफ्नो काममा आफै लाग्नु होला । संघर्षबाट मात्र लक्ष्य भेटाईनेछ । शत्रुहरुले सहज रुपमा काम हुन दिने छैनन । प्रतिश्पर्धाबाट पछि नहट्नु होला अन्तिम परिणाम सुखद निस्कनेछ । व्यापार व्यवसायमा क्रमिक सुधार आउनेछ । ऋणमा काम नगर्नु होला । मुद्धा मामिलामा जीत हुनेछ । शैक्षिक क्षेत्रमा प्रगति हुनेछ ।

धनुः– मनमा दुविधा बढ्नेछ । समयमा निर्णय लिन सकिएन भने उपलब्धिका काम पछाडि धकेलिने छन् । आर्थिक कारोवारमा चनाखो रहनुहोला । इच्छा शक्ति कमजोर हुनेछ । वोलीको अनर्थ लगाउन सक्छन् । आफन्त पराई जस्ता हुनेछन् । व्यापार व्यवसायबाट अल्प लाभ हुनेछ । अन्य काममा आँशिक सफलता मिल्नेछ ।

मकरः– शारीरिक एवं मानसिक रुपमा कमजोर महशुस हुनेछ । भाववेगमा आएर कुनै काम नगर्नु होला क्षति बढि हुनेछ । धन खर्च गरेर अरुलाई आफ्नो बनाउनुको कुनै अर्थ रहने छैन । विवादबाट टाढा बसेर काम गर्नु होला । झुट्टा कुराले सताउनेछ । व्यापार व्यवसायमा गिरावट आउनेछ । संचित धन घट्नेछ । दुःख विसाउने चौतारी मिल्ने छैन ।

कुम्भः– साहास,धैर्यता र पराक्रम बढ्नेछ । प्रयत्न गरेमा नयाँ काम हात पार्न सकिनेछ । उपकारका काममा धन खर्च हुनेछ । पढाई लेखाईमा प्रगति हुनेछ । व्यापार व्यवसायबाट आम्दानी बढ्नेछ । घर परिवार,साथी भाइबाट सहयोग मिल्नेछ । नोकरी तथा राजनीतिमा सक्रियता बढ्नेछ । आफ्नै पौरखमा रमाउनु पर्नेछ ।

मिनः– अरुको भरमा मात्र काम नगर्नु होला । आर्थिक कारोवारमा विशेष चनाखो रहनुहोला । वोलीको प्रभाव थोरै पर्नेछ । प्रयास र प्रयत्नहरु सफल हुनेछन् । व्यापार व्यवसायबाट मुनाफा कम हुनेछ । पढाई लेखाईमा सामान्य प्रगति हुनेछ । नयाँ क्षेत्रमा लगानी गर्दा एक पटक सोचेर मात्र गर्नु होला । नोकरी तथा राजनीतिबाट सन्तुष्टि कम मिल्नेछ ।

Comment