कांग्रेस अधिवेशनमा २२ पुरुषलाई पछ्याएकी एक्ली चेली माया भन्छिन् 'अवसर पाए गरेर देखाउँछु' — OSNepal

कांग्रेस अधिवेशनमा २२ पुरुषलाई पछ्याएकी एक्ली चेली माया भन्छिन् ‘अवसर पाए गरेर देखाउँछु’

LC (KTM) September 29, 2021 0

कपिलवस्तु, १३ असोज । नेपाली कांग्रेसको १४औँ महाधिवेशनअन्तर्गत कपिलवस्तुमा बुधबार नगर तथा गाउँ अधिवेशन सुरु भएको छ । १० पालिकामध्ये नाै पालिकामा आज अधिवेशन भइरहेको छ ।

२३ जनाले सभापति पदका लागि उम्मेदवारी दिएका छन् । तर सभापतिका लागि जिल्लामा एक महिलाको मात्र उम्मेदवारी परेको छ । कपिलवस्तु नगरपालिकाको नगर सभापतिका लागि नगर समितिका पूर्वसचिव माया ज्ञवालीले उम्मेदवारी दिएकी हुन् ।

जिल्लामा रही सामाजिक अभियन्ता र मानवअधिकारको क्षेत्रमा पैरवी गर्दै आएकी ज्ञवालीले उम्मेदवारी दर्ता गरेकी छन् । महिलाले अवसर पाए पुरुषले जस्तो काम गरेर देखाउन सक्छन् भन्ने देखाउन उम्मेदवारी दिएको ज्ञवालीले बताइन् ।

२०६५ सालमा क्रियाशील सदस्य बनेकी ज्ञवाली गुटमा नलागी साझा उम्मेदवार बनेकी हुन् । विभिन्न कार्यक्रममा सहभागी हुँदा महिलाले नेतृत्व लिनुपर्ने आवाज उठेपछि उनले सभापतिको पदमा उठ्ने निर्णय लिएकी हुन् ।

सभापतिको उम्मेदवारी परेसँगै आफूलाई फिर्ता लिनसमेत दबाब आएको उनले बताइन । महिलाप्रति आत्मबल बढाउन भए पनि उम्मेदवारी फिर्ता नलिने योजना रहेको न्युज कारखानासँग बताइन् । कुनै गुटतर्फ नलागे पनि ज्ञवालीले गरेको सामाजिक कामले उनलाई समर्थन गर्नेको संख्या धेरै रहेको कांग्रेस नेता आरएन ठाकुर बताउँछन् । नगर सभापतिका लागि ज्ञवालीसँगै गोपीकृष्ण शर्मा, प्रशान्त कार्की, खुर्सेद अहमद खाँले निर्वाचन लड्ने भएका छन् ।

Leave a Reply

Your email address will not be published. Required fields are marked *

भर्खर