• २०७८ कार्तिक २ मंगलबार

ताजा अपडेट

धेरै पढिएको

दँशैका लागी चीनबाट भित्रिए एक सय ७० वटा भेडा च्यांग्रा , मासुकाे मूल्य महंगिने

दँशैका लागी चीनबाट भित्रिए एक सय ७० वटा भेडा च्यांग्रा , मासुकाे मूल्य महंगिने


  • ओएसनेपाल
  • असोज १५ २०७८, शुक्रबार
  • ५:३७ बजे
  • अ +
  • अ -
  • पढ्न लाग्ने समय: < ३ मिनेट
  • 3.5K
    SHARES

    रसुवा, १५ असोज-चीनसँगको अन्तरर्राष्ट्रिय व्यापारिक नाका रसुवागढीबाट भेडा च्यांग्रा नेपाल भित्रिएका छन् । दशैँ नजिकिएसँगै रसुवागढी नाका हुँदै भेडा च्यांग्रा नेपाल भित्रिएका हुन् ।बिहीबार चीनबाट एक सय ७० वटा भेडा च्यांग्रा रसुवागढी नाका हुँदै नेपाल भित्रिएको व्यापारी दिवाकर न्यौपानेले जानकारी दिए । दुई सय भेडा च्यांग्राको माग गरिए पनि थोरै संख्यामा नेपाल भित्रिएको उनले बताए । ‘चीनतर्फ सम्पर्क राखेर भेडा च्यांग्रा ल्याइदिन माग गरेका थियौँ, रसुवागढी नाकासम्म उतैबाट ल्याइदिनुभयो, भेडा च्यांग्राको शुक्रबार भन्सार गछौँ, उनले भने ।’

    विगतका वर्षभन्दा यो वर्ष भेडा च्यांग्राको मूल्य महंगाे परेकाे न्यौपानेले बताए । गत वर्षको तुलनामा यो वर्ष चीनमै तीन हजारदेखि तीन हजार पाँच सय सम्म बढी मूल्य परेको उनले बताए । नेपाल भित्रिएको प्रतिभेडा च्यांग्राको मूल्य २८ हजारदेखि ३२ हजारसम्म मूल्य पर्ने उनले बताए । ‘गतवर्ष भन्दा यो वर्ष महंगो परेको छ, पहिला १२-१३ सय प्रतिकिलो पर्थ्याे भने अहिले १७-१८ सय पर्ने देखिएको छ, उनले भने ।’

    चीनबाट यो बाहेक अरू भेडा च्यांग्रा नआउने उनले बताए । ‘नाका बन्द छ, पहिला जस्तो हामी आफै जान पाएका छैनौँ, फोन सम्पर्कको भरमा निकासी गर्नुपरेको छ,’ उनले भने, ‘माग गरिएका अन्य सामान त आएको छैन् भने यो ल्याउन पनि धेरै समस्या भयो ।’ तिब्बतबाट प्रत्येक वर्ष भेडा च्यांग्रा आयात हुँदै आएको छ ।

    सुरुमा प्रतिभेडा तथा च्यांग्रा सात सय रुपैयाँमा आउने गरेकाेमा पछिल्लो समय मूल्य बढ्दै गएको र आयातमा पनि कमि आएको छ । कोभिड-१९ सुरु हुनुपूर्व नेपाली व्यापारीले केरुङसम्म पुगेर भेडा च्यांग्रा आयात गर्ने गरेका थिए । केरुङसम्म त्यहाँकै व्यापारीले ल्याउने गरेका थिए । नेपाली व्यापारी भेडा च्यांग्रा लिन २४ किलोमिटर टाढासम्म पुग्ने गरेका थिए ।

    पछिल्लो समय बढी मूल्य पर्ने र झन्झटिलो भएकाले आयातमा कमि आएकाे व्यापारी बताउँछन् । २०७० सालमा दुई सय दुई, २०७१ मा एक सय ८० र २०७३ मा दुई सय ५० वटा र २०७४ सालमा ५५ वटा तथा २०७५ मा चार सय ७० वटा, २०७६ मा दुई सय ९० वटा भेडा च्यांग्रा आयात भएको तथ्या‌ंक छ । २०७० सालअघि यो नाकाबाट पाँच हजारदेखि १० हजारसम्म भेडा च्यांग्रा आयात हुने गरेको थियो ।

    प्रतिकृया दिनुहोस

    ट्रेन्डिङ
  • सम्बन्धित समाचार
    छुटाउनु भयो की ?

    © 2021 All Right Reserved osnepal.com

    Site By: SobizTrend