• २०७८ असोज ३० शनिबार

ताजा अपडेट

धेरै पढिएको

तरकारी उत्पादन बढेपछि किसान हर्सित, आम्दानी राम्रो भएपछि भिसा त्यागेर खेतीमै व्यस्त

तरकारी उत्पादन बढेपछि किसान हर्सित, आम्दानी राम्रो भएपछि भिसा त्यागेर खेतीमै व्यस्त


  • ओएसनेपाल
  • असोज १६ २०७८, शनिबार
  • ५:५३ बजे
  • अ +
  • अ -
  • पढ्न लाग्ने समय: < ३ मिनेट
  • 2.3K
    SHARES

    झापा, १५ असोज -झापामा तरकारीको उत्पादन बढेको छ । कृषि ज्ञान केन्द्र झापाका अनुसार बर्सेनि तरकारीको उत्पादन बढेको हो । ज्ञान केन्द्रका अनुसार २०७६/०७७ मा आठ हजार ९१७ हेक्टरमा तरकारी खेती भएको थियो । सो वर्ष एक लाख ५६ हजार ५९१ मेट्रिक टन तरकारी उत्पादन भएको ज्ञान केन्द्रले जनाएको छ ।

    यस्तै, आर्थिक वर्ष २०७७/०७८ मा क्षेत्रफल बढेर नौ हजार १६५ हेक्टर क्षेत्रफलमा खेती भएको थियो । उक्त क्षेत्रफलमा एक लाख ६२ हजार ५७९ मेट्रिक टन तरकारी उत्पादन भएको छ । उक्त तरकारीमा आलु समावेश छैन ।

    विदेशबाट फर्किएका युवा तरकारी उत्पादनतर्फ लागेका कृषि ज्ञान केन्द्र झापाका प्रमुख नीलकमल सिंहले जानकारी दिए । ‘तरकारीबाट आम्दानी हुन थालेपछि तरकारीमा विदेशबाट फर्किएका युवाहरूको आकर्षण छ’, उनले भने, ‘बर्सेनि खेती हुने क्षेत्रफल र उत्पादन पनि बढ्दै छ ।’

    यस्तै, कोरोना महामारीले पनि गाउँमा तरकारी खेती गर्नेको संख्या बढाएको सिंहले बताए । ‘कोरोना महामारीमा शहरमा गएकाहरू गाउँ आए । कतिपयले तरकारीबाट राम्रो उत्पादन गरे’, उनले भने, ‘विदेश जानलाई तयार भएकाहरू पनि कोरोनाले जान पाएनन् । उनीहरूले पनि तरकारी खेती लगाए । आम्दानी राम्रो भएपछि कतिपय त भिसा त्यागेर खेतीमै छन् ।’

    भारतमा रोजगारी गर्न गएका पनि महामारीसँगै गाउँ फर्केर तरकारी खेतीमा लागेको गौरीगंजका कृषक छत्रबहादुर कार्की बताउँछन् । ‘बजार पनि सहज छ । अहिले त अम्दानी राम्रो छ’, उनले भने, ‘रोजगारी गर्न दिल्ली गएकाहरू पनि आएर खेती गर्न थालेका छन् ।’

    तर, राज्यले सहयोग नगर्दा खेती गर्न समस्या भएको भद्रपुर- १ का तरकारी उत्पादक किसान भक्त राईले बताए । वैदेशिक रोजगारीबाट फर्किएर खेती गर्न सुरु गरेका राईलाई लगानीको भने समस्या छ । ‘विदेशमा पनि यही काम गरियो । यहाँबाट आम्दानी त राम्रै हुन्छ । तर, लगानी लगाउनै मुस्किल पर्छ’, उनी भन्छन्, ‘तर, राज्यले सहयोग गर्दैन । खेती गर्न जग्गा पनि छैन । अर्काको जमिन लिजमा लिएर गरेको छु । राज्यले सबै हिसाबले सहयोग गरे हामीलाई सहज हुने थियो ।’

    राईले एक बिघामा तरकारी खेती गर्दै आएका छन् । गत असारदेखि खेती गरिसकेका उनले दैनिक पाँच हजार रुपैयाँ सम्मको तरकारी बेच्ने गरेको बताए ।

    प्रतिकृया दिनुहोस

    ट्रेन्डिङ
  • सम्बन्धित समाचार
    छुटाउनु भयो की ?

    © 2021 All Right Reserved osnepal.com

    Site By: SobizTrend