OSNepal बुधबार, मंसिर २२ २०७८

बलिउडमा पारिश्रमिक विवाद, करिनाको स्थानमा कंगना

बलिउडमा पारिश्रमिक विवाद, करिनाको स्थानमा कंगना

  • OSNepal
  • शनिबार, असोज १६ २०७८


बलिउडमा पारिश्रमिक विवाद, करिनाको स्थानमा कंगना
Reading Time: < 1 minute

काठमाडौं । पछिल्लो समय बलिउडमा पारिश्रमिकको विषयमा चर्चा हुन थालेको छ । यसअघि यस किसिमको चर्चा नभएको होइन, तर यसपटक भने एकपछि अर्को कलाकारले पारिश्रमिको विषयलाई बुलन्द बनाइरहेका छन् । फिल्ममा हिरोको तुलनामा पारिश्रमिक निकै कम हुने भएकाले हिरोइनहरूले यसपटक आफ्नो आवाजलाई बुलन्द बनाइरहेका छन् ।

विशेषत् स्टार कलाकारहरूको फिल्ममा यस्तो हुने गर्छ । सलमान खान, शाहरूख खान, आमीर खान, अक्षय कुमार, अजय देवगन लगायतको फिल्ममा हिरोइनले पाउने पारिश्रमिक निकै कम हुने गरेको छ । हिरो बराबर नै काम गर्ने भए पनि हिरोइनको पैसा किन कम रु भन्दै बेलाबखतमा भइरहने विद्रोहलाई यस पटक करिना कपुर खानका कारण चर्किएको छ ।

एक फिल्ममा लागि १२ करोड भारतीय रुपैयाँ माग राखेका कारण करिना निकालिनुपरेपछि पारिश्रमिकसम्बन्धी बहस चर्किएको छ । करिनाको पारिश्रमिकको विषयमा तास्पी पन्नु, सोनाम कपुरले साथ दिएकी छिन् । उनले पनि हिरोको तुलनामा हिरोइनले निकै कम पारिश्रमिक पाउने गरेको भन्दै असन्तुष्टि व्यक्त गरेकी छिन् ।

‘बलिउडमा हुने पे ग्याप हास्यास्पद छ । म परम्पराको खिलाफमा छु । यसरी बोल्दा मैले फिल्म पाउँदिन भने पनि मलाई केही मतलब छैन ’ सोनामले एक भारतीय पत्रिकासँग भनेकी छिन् ।राजधानि दैनिकमा खबर छ । एसएस राजमौलीका पिता केवी विज्येन्द्र प्रसादको फिल्म ’सीता’ मा करिनाले १२ करोड पारिश्रमिक मागेपछि बलिउडमा पारिश्रमिक बहस सृजना भएको हो । तर, सीतामा करीनालाई नराखेर कंगनालाई लिइएको छ ।

प्रतिक्रिया
सम्बन्धित समाचार

  • फेसबुक
  • ट्वीटर
  • युट्युब
  • A यूनिकोड