• २०७८ कार्तिक ६ शनिबार

ताजा अपडेट

धेरै पढिएको

दशैँमा नयाँ नोट चलाउन नपाउने, पुराना नोट पनि पर्याप्त छैनन्

दशैँमा नयाँ नोट चलाउन नपाउने, पुराना नोट पनि पर्याप्त छैनन्


  • ओएसनेपाल
  • असोज २० २०७८, बुधबार
  • २:१९ बजे
  • अ +
  • अ -
  • पढ्न लाग्ने समय: < २ मिनेट
  • 1.8K
    SHARES

    सोलुखुम्बू, २० असोज । सोलुखुम्बूवासीले यस वर्षको दशैँमा नयाँ नोट नपाउने भएका छन् । सोलुवासीसँगै माथिल्लो सगरमाथाका तीन जिल्लासहित उदयपुरमा समेत नयाँ नोट नआउने भएको हो ।

    नेपाल राष्ट्र बैंकले ४ असोजदेखि नै देशभरका शाखा बैंकबाट नयाँ नोट लिन सक्ने व्यवस्था गरे पनि यी चारवटा जिल्लामा भने नयाँ नोट नआएको सम्बन्धित बैंकहरूले जनाएका छन् ।

    नयाँ नोटका लागि बैंकमा ग्राहकको भीड लाग्ने भए पनि नयाँ नोट नहुँदा समस्या भएको राष्ट्रिय वाणिज्य बैंक सल्लेरीका प्रबन्धक चित्र खड्काले बताए । नयाँ नोट नआउँदा र पुरानो खुद्रा रकमसमेत नहुने उनको भनाइ छ ।

    यस्तै, नयाँ नोटको माग अत्यधिक भएको राष्ट्रिय वाणिज्य बैंक ओखलढुंगाका निमित्त शाखा प्रबन्धक राजेश झाले बताए । स्टक रकम भएकाले राष्ट्र बैंकले नयाँ नोट नपठाउँदा ग्राहकलाई रित्तो हात फर्काउन बाध्य भएको उनको भनाइ छ ।

    खोटाङ र उदयपुरमा पनि नयाँ नोट नआउँदा समस्या भएको बताइएको छ । नयाँ नोट लिनका लागि बैंक पुगेकाहरूलाई पुरानो नोट दिएर पठाउने गरेको राष्ट्रिय वाणिज्य बैंक खोटाङका शाखा प्रबन्धक काजी बस्नेतले जानकारी दिए ।

    यता, नेपाल राष्ट्र बैंकका प्रवक्ता देवकुमार ढकालले भने यस विषयमा आफू जानकार नभएको प्रतिक्रिया दिएका छन् । विराटनगरमा रहेको राष्ट्रिय वाणिज्य बैंकसँग तत्काल जानकारी लिएर नोट पठाउने व्यवस्था गरिने उनको भनाइ छ ।

    प्रतिकृया दिनुहोस

    ट्रेन्डिङ
  • सम्बन्धित समाचार
    छुटाउनु भयो की ?

    © 2021 All Right Reserved osnepal.com

    Site By: SobizTrend