बलिउडमा अहिले सबैभन्दा चलिरहेकी नायिका मध्ये एक हुन् नोरा फतेही । जब उनले दिल्भर बोलको गीतमा आइटम डान्स गरिन् त्यसपछि उनलाई पछाडी फर्किएर हेर्नु परेको छैन । उनको डान्सले बलिउड पुरै हल्लाएको छ । उनले बलिउडमा आइटम गीतहरुबाट एकदमै धेरै चर्चा कमाइरहेकी छिन्। नोराको गीतहरुले रेकर्ड ब्रेक नै गरेका छन् । त्यतिमात्र हैन उनले अहिले आइटम डान्सका लागि एकदमै मोटो रकम डिमाण्ड समेत गर्न थालेकी छिन् ।
साउथ फिल्मका सुपरस्टार अल्लु अर्जुनको नयाँ फिल्म ‘पुष्पा को एउटा गीतमा आइटम डान्सका लागि उनलाई अफर गरिएको छ । उनले यस चलचित्रको आइटम डान्सका लागि एकदमै ठुलो रकमको माग गरेको भारतीय संचारमाध्यमहरुले जनाएका छन् । निर्देशक सुकुमारको निर्देशनमा बनेको यो फिल्म २ करोड भारतीय रुपैया माग गरेको निर्माण पक्षले जनाएको छ । यस गीतको आइटम डान्सका लागि अभिनेत्री दिशा पटानी र पूजा हेडगेसँग निर्माण पक्षले गरेको प्रस्ताव अस्विकार गरेका थिए ।
नोराले यसअघि बलिउडका बाहेक तेलूगु फिल्म ‘टेम्पर’ र ‘बाहुबली’का आइटम गीतमा आफ्नो डान्स कौशलता देखाई सकेकी छिन् । सुरुको बेलाका यी गीतहरुमा उनले त्यतिबेला चार लाख रुपैया लिएकी थिईन् । उनको चर्चा चुलिए संगै पारश्रमिक पनि एकदमै बढी लिन थालेकी छिन् । यस फिल्मको निर्माण पक्षले भने नोराको डिमाण्ड पछि लिने या नलिने भने पक्का गरिसकेको छैन । उनले आइटम डान्स गर्ने भनेपछि उनका फ्यानहरु भने एकदमै उत्साहित देखिएका छन् ।
