• २०७८ कार्तिक ६ शनिबार

ताजा अपडेट

धेरै पढिएको

१४ वर्ष कोरिया बसेर घर फर्केका लक्ष्मणले गाउँमा नै थाले माछा पालन ब्यबसाय, यसरी बन्दैछन् मालामाल

१४ वर्ष कोरिया बसेर घर फर्केका लक्ष्मणले गाउँमा नै थाले माछा पालन ब्यबसाय, यसरी बन्दैछन् मालामाल


  • ओएसनेपाल
  • असोज २८ २०७८, बिहिबार
  • १:१८ बजे
  • अ +
  • अ -
  • पढ्न लाग्ने समय: < २ मिनेट
  • 10.6K
    SHARES

    बागलुङ, ३० असोज – बागलुङको काठेखोला गाउँपालिका–८ लेखानीका लक्ष्मण पुनले जीवनको १४ वर्ष विदेशी भूमि दक्षिण कोरियामा बिताए । कामदारको रूपमा कोरिया पुगेका पुनले कडा मेहनत र परिश्रम के हो भन्ने शिक्षा कोरिया बसाइले सिकायो । मेसिनको गतिमा हुने काम, काम प्रतिको लगाव, मेहनत र श्रम प्रतिको सम्मानबारे गतिलो भोगाई र सिकाई भयो ।

    १४ वर्ष कोरियामा श्रम गरेर फर्किएका पुनले नेपाल फर्केर माछा पाल्न थालेका छन् । बागलुङ नगरपालिका–४ निरयघाटमा १४ रोपनी जग्गा भाडामा लिएर माछा तथा कृषी फर्म सञ्चालन गरेका हुन । ६० वर्षीय पुनको दिनचार्य कृषिफर्ममा बित्ने गरेको छ ।

    करिब ४५ लाख रुपैयाँ लगानी गरेर फर्म सञ्चालन गरेको पुनले जानकारी दिए । फर्म सञ्चालनको सुरुवात समुहगत रूपमा भए पनि अहिले एक्लै थाम्नु भएको । विगत चार बर्षदेखि फर्म सञ्चालनमा छ ।

    तीनवटा माछा पोखरीमा ग्रास, काव कमन, सिल्भर काव गरी पाँच किसिमका माछा पालेका छन् । निषेधाज्ञाको समयमा ५० हजार भुरा माछा पोखरीमा हालेको पुनले बताए । ‘माछा उत्पादन राम्रो थियो’, उनले भने, ‘बजार उकालो लाग्ने बेला कोरोनाले असर गर्‍याे ।’

    परिवारका अन्य सदस्यलाई आफ्नै देशमा उद्यमी बन्न प्रेरणा दिने लक्ष्यका साथ कृषी कर्मका लागेको पुनले बताए । मासिक ५० हजारको माछा बिक्री हुन्छ ।

    ‘विदेशको दुःख जे भोग्नु मैले भोगे’, उनले भने, ‘अब कामको लागी कुनै पनि सदस्य विदेश जानु नपरोस् भन्ने उद्देश्य छ ।’ पुनले स्थानीय जातको कुखुरा, बट्टाई चरा, हाँससमेत व्यावसायिक रूपमा पालेका छन् । कालीगण्डकी किनारमा रहेको कृषि फर्ममा आफ्नो उत्पादनको बजारीकरण गर्न रिसोर्ट सञ्चालनको तयारी गरेको उनले बताए । माछा पारखीहरू फर्ममै किन्न जाने गर्छन ।

    प्रतिकृया दिनुहोस

    ट्रेन्डिङ
  • सम्बन्धित समाचार
    छुटाउनु भयो की ?

    © 2021 All Right Reserved osnepal.com

    Site By: SobizTrend