काठमाडौं २ कात्तिक । अविरल वर्षाका कारण आएको बाढीपहिरोले ३ जनाको ज्यान गएको छ भने एक जना वेपत्ता भएका छन् । डोटीको सायल गाउँपालिका–६ मेल्लेख बस्ने वीरबहादुर कुन्जेडाको घर भत्कन गई २ जनाको च्यापिएर ज्यान गएको हो ।
त्यसैगरी, डडेल्धुरा जिल्लाको गन्यापधुरा गाउँपालिका-१ भात्काँडामा पहिरोमा परी ३२ वर्षीय विष्णु अवस्थीको ज्यान गएको छ । घाइते दुई जनाको भने डडेल्धुरा अस्पतालमा उपचार भइरहेको जनाइएको छ ।
वेपत्ता हुनेमा गोदावरी नगरपालिका– ८ स्याउलेका ३० वर्षीय गणेश आउजी रहेका छन् । उनलाई ढुंगा निकाल्ने क्रममा खोलाले बगाएको हो । उनको खोजी कार्य भइरहेको छ ।
