जेनेभा, ४ भदौ – एक शताब्दीभरीमा २३ सयभन्दा बढी बाघ मारिएको र अवैध ओसारपसार गरिएको पाइएको छ ।हालै सार्वजनिक भएको एक अध्ययन प्रतिवेदनका अनुसार हरेक वर्ष औसतमा १२० वटा बाघको अवैध ओसारपसार हुने गरेको छ ।अध्ययनकर्ताहरूले यो तथ्याङ्कले चिन्ताजनक अवस्था देखिएको भन्दै यसतर्फ तत्काल संरक्षणात्मक अभियान चलाउनु पर्नेमा जोड दिएका छन् ।(रासस÷एएफपी)

काठमाडौँ, ४ भदौ  – चालक अनुमतिपत्र छपाइमा भइरहेको ढिलाइ हटाउने उद्देश्यले ‘मास प्रिन्टर’ जडानको काम शुरु भएको छ । गत साता मात्रै आइपुगेको सो प्रिन्टरको जडान तीन सातामा सकिएर सो उपकरण प्रयोगमा आउने बताइएको छ ।जडानको काम सकिएपछि नै त्यसले छपाइको काम थाल्ने यातायात व्यवस्था विभागका निर्देशक प्रेमकुमार सिंहले बताउनुभयो । उहाँका अनुसार सो प्रिन्टरको क्षमता अहिले विभागमा रहेका प्रिन्टरहरुको भन्दा कैयौँ गुणा बढी रहेको छ । विभागमा हाल १० वटा साना क्षमताका ‘प्रिन्टर’ रहेका छन् । यिनको क्षमता प्रतिघण्टा ४० वटासम्म मात्रै रहेको उहाँले बताउनुभयो ।

‘मास प्रिन्टर’ले एक घण्टाको अवधिमा पाँच सयदेखि छ सयसम्म कार्ड छाप्न सक्ने बताइएको छ । उहाँले भन्नुभयो, “उपकरण नियमित सञ्चालन भएपछि अहिले छाप्न बाँकी कार्ड चाँडै छापेर सकिनेछ ।”‘स्मार्ट’ चालक अनुमतिपत्र वितरणमा रहेको ढिलाइ हटाउनका लागि सरकारले ‘मास प्रिन्टर’ खरीद गरेको हो । गत वर्ष नै ‘ग्लोबल टेन्डर’ मार्फत सो उपकरण खरीद प्रक्रिया अघि बढाइएको थियो । हाल विभागले झण्डै साढे नौ लाख अनुमतिपत्र वितरण गर्न बाँकी छ । उपकरणले छोटो समयमा धेरै कार्ड छाप्दा सो समस्याको समाधान हुने बताइएको छ ।

चालक अनुमतिपत्रका लागि आवेदन दिएका र सरकारलाई बुझाउनुपर्ने राजश्व रकम तिरेको एक वर्ष नाघ्दासमेत अझै चालक अनुमतिपत्र नपाएको सेवाग्राहीको गुनासो छ । सरकारले चार वर्षपहिले ‘स्मार्ट’ चालक अनुमति शुरु गरेदेखि नै सेवाग्राहीले समयमा चालक अनुमतिपत्र पाएका छैनन् । देशभरका सबै यातायात व्यवस्था कार्यालयबाट परीक्षा उत्तीर्ण गरेकाहरुको चालक अनुमतिपत्र छपाइ यातायात व्यवस्था विभागले गर्दै आएको छ । विभागमा रहेको मुद्रण यन्त्र (छपाइ मेशिन)को क्षमताभन्दा धेरै कार्ड छाप्नुपर्ने भएकाले सेवाग्राहीले समयमा चालक अनुमतिपत्र नपाएको विभागले बताउँदै आएको थियो ।

विभागमा अहिले नौ वटा उपकरण रहेकामा तीमध्ये छ÷सात वटाले मात्रै नियमित काम गरेकाले समस्या आएको विभागका प्रवक्ता तीर्थराज खनालले बताउनुभयो । उहाँका अनुसार क्षमताभन्दा बढी कार्ड छाप्नुपर्ने हुँदा विभागमा छाप्न बाँकी कार्डको सङ्ख्या नियमित रुपमा बढिरहेको थियो । विभागमा रहेका उपकरणहरुमा समयसमयमा समस्या आउने गरेको उहाँले बताउनुभयो । सो उपकरणमा समस्या आउँदा मर्मतका लागि भारतबाट नै प्राविधिक आउनुपर्ने बाध्यता रहेको उहाँले बताउनुभयो ।

उहाँका अनुसार जर्मनीमा बनेका उपकरणमा समस्या आउनासाथ मर्मत नहुँदा पनि नियमित रुपमा सञ्चालनमा आउन नसकेको हो । उहाँले भन्नुभयो, “कहिले कुन त कहिले कुन बिग्रिएर थन्किरहन्छन् ।”यता चालक अनुमतिपत्र छपाइमा भइरहेको ढिलाइका कारण चालक हैरान छन् । आफूले चालक अनुमतिपत्रका लागि लिइएको परीक्षा उत्तीर्ण गरेर सरकारलाई राजश्व तिरेको एक वर्ष नाघ्दासमेत कार्ड नपाएको गुनासो भक्तपुरका शतिश फुयाँलको छ । सल्लाघारीस्थित यातायात कार्यालयबाट गत वर्ष साउनमा नै उहाँले परीक्षा पास गर्नुभएको थियो । त्यसयता कहिले एकान्तकुनास्थित यातायात कार्यालय त कहिले बानेश्वरस्थित यातायात व्यवस्था विभाग पुग्नुभयो । तर कतैबाट अनुमतिपत्र नपाएपछि उहाँ हैरान हुनुभएको छ ।

उहाँले भन्नुभयो, “राजश्व तिरेको कागज लेमिनेशन गरेर चालक अनुमतिपत्रका रुपमा देखाएर मोटरसाइकल चलाउने गरेको छु ।”सरकारले आधुनिक प्रविधिको प्रयोग गर्दै हस्तलिखित कार्डलाई ‘स्मार्ट’ चालक अनुमतिपत्रले विस्थापित गरेर चार वर्षपहिले वाग्मती अञ्चल कार्यालयबाट ‘स्मार्ट’ चालक अनुमतिपत्र शुरु गरेको थियो । विभागले चाँडो छपाइ गर्न भनी केही महीना निजी कम्पनीलाई छपाइको जिम्मेवारी दिएको प्रवक्ता खनालले बताउनुभयो । निजीले चालक अनुमतिपत्र छाप्दा रङ्गीन छापेको उहाँले बताउनुभयो । रङ्गीन छाप्दा कसैको फोटो त कसैको नाम, ठेगाना, रक्तसमूह लगायतका विवरण प्रस्ट थिएन ।

निजीमा झन् बढी समस्या आएपछि अहिले विभाग आफैँले श्यामश्वेत कार्ड छापिरहेको प्रवक्ता खनालले जानकारी दिनुभयो । उहाँले भन्नुभयो, “अहिले विभाग आफैँले छापेको कार्डमा प्रस्ट नभएको भन्ने गुनासो छैन ।”गत फागुनसम्ममा विभागले देशभरका कार्यालयहरुमार्फत पाँच लाख ५७ हजार २९८ स्मार्ट चालक अनुमतिपत्र वितरण गरेको थियो । आव २०७४÷७५ मा दुई लाख ९८ हजार १७५ चालक अनुमतिपत्र वितरण भएको थियो । नयाँ संविधानअनुसार यातायातको व्यवस्थापनको जिम्मेवारी प्रदेश सरकारको हो । सङ्घीय सरकारले गत मङ्सिरमा यातायात व्यवस्था कार्यालयहरु भौतिक पूर्वाधार विकास मन्त्रालयलाई हस्तान्तरण गरिसकेको छ । प्रदेश सरकार आफैँले कार्ड छाप्न शुरु नगर्दा सङ्घीय सरकारले नै यो काम गरिरहेको हो ।(रासस)

मेषः– मनमा शान्ति मिल्ने छैन । देख्दा साना तर गर्दा जटिल बन्दै जानेछन् । लगानीका क्षेत्रबाट हात झिक्नु पर्ने अवस्था आउन सक्छ । अस्थिरता बढ्ने देखिन्छ । पारिवारिक उत्तरदायित्व वहन गर्न गाह्रो हुनेछ । व्यापार व्यवसायमा अझै सुधार आउने देखिन्न । आशा र भरोसा निराशामा परिणत हुने देखिन्छ । स्वास्थ्य कमजोर बन्नेछ ।

वृषः– समयको सदुपयोग गर्नु होला । आर्थिक उन्नतिका सम्भावना अझै देखिन्छ । भाई बन्धु श्रीमति तथा सन्तानबाट सुख शान्ति मिल्नेछ । आफ्नै बाहुबलबाट धेरै कामको टुङ्गो लगाईनेछ । व्यापार व्यवसायबाट सामान्य लाभ हुनेछ । मुद्धामा जित हुनेछ । मध्यान्ह पछि समय कमजोर देखिन्छ । ऋण लगानी नगर्नु होला । काममा ढिला नगर्नु होला ।

मिथुनः–आम्दानीका मार्ग कमजोर देखिन्छ । संचित धनमा ह्रास आउन सक्छ । अरुको भर नपर्नु होला,सहयोग गर्ने भन्द खुट्टो तान्ने बढि हुनेछन् । मध्यान्ह पछि समयमा सुधार आउनेछ । कार्य लगनशिलता बढ्नेछ । व्यापार व्यवसायबाट सामान्य आम्दानी हुनेछ । इष्टमित्रबाट भने खासै सहयोग पाईने छैन ।

कर्कटः– पूर्वाद्ध भन्दा उत्तराद्र्ध कमजोर देखिन्छ । समयको सदुपयोग गर्न पछि नपर्नु होला । लगनशिलता बढाउनु पर्ने देखिन्छ । साझेदारीमा हात नहाल्नु होला, लापर्वाहिले आफैलाई नोक्सान पु¥याउनेछ । लाभका काममा भन्दा मनोरञ्जन बढि हुनेछ । व्यापार व्यवसायबाट सामान्य आम्दानी हुनेछ । विवादित काममा हात नहाल्नु होला ।

सिंहः– प्रातकाल पश्चताप पूर्ण रहला । श्रमको मुल्य लिन सकिने छैन । सहयोग गर्दा उल्टो दोष पाईनेछ । आफन्तमा झै–झगडा पर्न सक्छ । व्यय मार्ग बढि खुल्ला देखिन्छ । आशाहरु निरासामा परिणत हुनसक्छन् । जोखिम मोलेर कुनै काम नगर्नु होला । मध्यान्ह देखि समयमा सुधार आउनेछ । रोकिएका काम अगाडि बढ्ने छन् । व्यापार बढ्नेछ ।

कन्याः– समयमा गरेका काम सम्पन्न हुनेछन् । ढिलो गरेमा प्राप्त उपलब्धि गुम्ने छन् । विशेष गरेर मध्यान्ह पछिको समय प्रतिकुल देखिन्छ । नोकरी तथा राजनीतिमा आँशिक सफलता मिल्नेछ । आफन्तको सहयोगमा कमी आउनेछ । व्यापार व्यवसायबाट आम्दानी घट्नेछ । कमाएको धनलाई वचाउन भने गाह्रो हुनेछ ।

तुलाः– दिन अनुकुल नै देखिन्छ । विचलित नभई काम गर्नु होला अवस्य गन्तव्यमा पुग्न सक्नु हुनेछ । अरुको भर नपर्नु होला आफैले बातावरण मिलाएर काम गर्नु होला । चुनौतिका विच धेरै काम बन्ने छन् । नोकरी तथा राजनीतिमा अधिकारको खोजी हुनेछन् । ज्ञान र शिपको प्रयोग गरेर अगाडि बढ्नु होला । व्यापार बढ्नेछ ।

वृश्चिकः– पूर्वाद्ध कमसल भए पनि मध्यान्ह पछिको समय अनुकुल बन्नेछ । गतिरोध हट्नेछ भने कामले विस्तारै गति लिनेछ । भाग्यले साथ दिनेछ । प्रेरणादायक काम बन्ने छन् । नोकरी तथा राजनीतिमा भूमिकाको खोजी हुनेछ । व्यापार व्यवसायमा विस्तारै सुधार आउने देखिन्छ । आफन्तको सहयोग मिल्नेछ ।

धनुः– गलत व्यक्ति सहयोगी रुप धारण गरेर आउन सक्छन् सतर्क भएर काम गर्नु होला । कुनै पनि काम गर्दा मनलाई नियन्त्रण गरेर अगाडि बढ्नु होला । प्रतिकुल परिस्थितिको सामना गर्नु पर्नेछ । शरीरिक एवं मानसिक कमजोरी बढ्नेछ । लेनदेन कारोवारमा समस्या आउने देखिन्छ । व्यापार व्यवसायमा अवनति हुनेछ । संचित धनमा ह्रास आउनेछ ।

मकरः– कुनै निर्णय लिनु छ भने प्रातःकालमा लिनु होला । मध्यान्ह पछि समयले कम साथ दिनेछ । जीवन साथिको सहयोगको महत्वपूर्ण भूमिका हुनेछ । व्यापार व्यवसायबाट उचित मुनाफा लिन सकिने छैन । विवादित काममा हात नहाल्नु होला । हतारमा निर्णय लिएर फुर्सदमा पछुताउने अवस्था आउन सक्छ । मानसिक तनाव बढ्न सक्छ ।

कुम्भः– सफलताका सिढि चढ्न संघर्ष गर्नु पर्नेछ । सहयोग गर्ने भन्दा खुट्टो तान्ने बढि हुनेछन् । प्रतिश्पर्धाबाट टाढा नभाग्नु होला । परिश्रम पूर्वक गोपनियता अप्नाई गरेका कामबाट लाभान्वित हुनुहुनेछ । मध्यान्ह पछि समय थोरै सहज हुने देखिन्छ । नयाँ कामको बारेमा विचार विमर्श हुनेछ । व्यापार व्यवसायमा सुधार आउनेछ ।
मिनः– समस्याबाट पूर्ण मुक्ति मिल्ने छैन । आर्थिक कारण काममा ढिला सुस्ति हुनेछ । लगानी मैत्री बातावरण देखिदैन । व्यापार व्यवसायबाट सामान्य आम्दानी हुनेछ । स्पष्ट कार्य दिशा तय गर्न नसक्दा उपलब्धि कम हात लाग्नेछ । पढाई लेखाईमा सामान्य सुधार आउनेछ । भ्रम उत्पन्न हुनसक्छ त्यसलाई निराकरण गर्नु होला नत्र पछि अप्ठ्यारो पर्नेछ ।

भीमदत्तनगर, ४ भदौ -कञ्चनपुरको भीमदत्तनगर बजारमा बुधबार दिउँसो चट्याङ पर्दा यहाँका सरकारी तथा विभिन्न कार्यालय र विद्यालयमा क्षति पुगेको छ । नेपाल विद्युत् प्राधिकरण महेन्द्रनगर वितरण केन्द्रका प्रमुख जङ्गबहादुर चन्दले हवाई चट्याङका कारण कम्प्युटर, तथा विद्युतीय सामग्रीमा क्षति पुगेको बताउनुभयो ।चट्याङका कारण केही समय विद्युत्सेवा समेत प्रभावित भएको थियो । चट्याङले जिल्ला प्रहरी कार्यालयका आठ वटा कम्प्युटर सेट, राइटर लगायतका सामग्रीमा क्षति पुगेको प्रहरीले जनाएको छ ।चट्याङले यहाँस्थित राष्ट्रिय समाचार समिति भीमदत्तनगर कार्यालयको कम्प्युटर, टेलिफोन, राउटर लगायतका विद्युतीय सामग्रीमा क्षति पुगेको छ ।

चट्याङकै कारण यहाँस्थित महाकाली सिँचाइ तेस्रो चरणको कार्यालयका प्राविधिक सामग्रीमा क्षति पुगेको छ ।भीमदत्तनगरबाट प्रसारण हुने रेडियो कञ्चनपुरमा पनि क्षति पुगेको छ । रेडियो कञ्चनपुरका स्टेशन म्यानेजर कुन्दन पाण्डेयले चट्याङले चार कम्प्युटर सेट र रेडियोका अन्य सामग्रीमा क्षति पुगेको जानकारी दिनुभयो ।वडा प्रहरी कार्यालय महेन्द्रनगरका प्रहरी निरीक्षक मोहनजङ्ग बुढथापाले चट्याङले यहाँको भृकुटी माविमा विद्युत् तार सर्ट हुँदा ल्यापटपलगायतका सामग्रीमा क्षति पुगेको बताउनुभयो ।त्यसैगरी यहाँका विभिन्न व्यापारिक प्रतिष्ठानमा लगाइएका सिसिटिभी क्यामेराका साथै कम्प्युटर, ल्यापटमा क्षति पुगेको छ ।(रासस)

काठमाडौँ, ४ भदौ  -घरेलु मैदानमा पहिलोपटक आयोजना भएको एशियन भलिबल कन्फेडेरेसन (एभिसी) सेन्ट्रल जोन सिनियर पुरुष भलिबल प्रतियोगितामा नेपाल बाहिरिएको छ ।लगनखेलस्थित त्रिभुवन आर्मी क्लबको शारीरिक तालीम तथा प्रशिक्षण केन्द्रको कभर्डहलमा आज भएको समूह चरणको अन्तिम खेलमा नेपाल माल्दिभ्ससँग ३–० को सोझो सेटमा पराजित हुँदै नेपाल प्रतियोगिताबाट बाहिरिएको हो ।घरेलु कोर्टमा खराब प्रदर्शन गरेको नेपाललाई माल्दिभ्सले २५–२२, २५–२१ र २५–१४ को सेटमा पराजित ग¥यो ।

यो हारसँगै समूह ‘ए’बाट नेपाल जितविहीन रहँदै प्रतियोगिताबाट बाहिरिएको छ । अब नेपालले पाँचौँ स्थानका लागि समूह ‘बी’ को तेस्रो हुने टोलीसँग खेल्नेछ ।माल्दिभ्स भने समूहको उपविजेता बन्दै सेमिफाइनलमा प्रवेश गरेको छ । माल्दिभ्सले २ खेलमा २ अङ्क जोड्यो । माल्दिभ्सले अब सेमिफाइनलमा समूह ‘बी’ को विजेता उज्वेकिस्तानसँग खेल्नेछ ।यस समूहबाट कीर्गिस्तान २ खेलमा २ जितसहित ४ अङ्क जोडेर समूह विजेताका रुपमा सेमिफाइनल पुगिसकेको छ । पहिलो खेलमा कीर्गिस्तानले नेपाललाई ३–० को सोझो सेटमा हराएको थियो । दोस्रो खेलमा कीर्गिस्तानले माल्दिभ्सलाई पनि ३–० कै सोझो सेटमा हराएको थियो ।(रासस)

काठमाडौँ, ४ भदौ  -अख्तियार दुरुपयोग अनुसन्धान आयोगले मालपोत कार्यालय मनमैजु काठमाडौँका कार्यालय सहयोगी कान्छा भण्डारी र जग्गा कारोवारी ईश्वर केसीलाई रु ३५ हजार घुस लिएको अभियोगमा पक्राउ गरेको छ ।बैंक तथा वित्तीय संस्थाबाट ऋण लिने कार्यमा सहज बनाइदिने तथा र जग्गा रोक्का राख्न समेत सरलीकृत गरिदिने भन्दै एक सेवाग्राहीसँग घुस मागेको आरोप लागेको छ ।आयोगको टङ्गालबाट गएको टोलीले उनीहरुलाई मालपोत कार्यालय नजिकैको एक खाजा घरबाट मङ्गलबार पक्राउ गरिएको भए पनि आज सार्वजनिक गरिएको आयोगका प्रवक्ता प्रदीपकुमार कोइरालाले जानकारी दिनुभयो ।(रासस)

काठमाडौं। भारतले भूकम्प पछिको पुनर्निर्माणका लागि २ अर्ब ४५ करोड रुपैयाँ नेपाललाई उपलब्ध गराएको छ। भारतीय राजदूत मञ्जिवसिंह पुरीले पुनर्निर्माण प्राधिकरणका प्रमुख कार्यकारी अधिकृत सुशील ज्ञवालीलाई रकमको चेक हस्तान्तरण गरेका हुन्। भारतले ०७२ को भूकम्पपछिको पुननिर्माणका लागि १ खर्ब सहयोग गर्ने घोषणा गरेको थियो।

जसमा २५ अर्ब अनुदान र ७५ अर्ब ऋण रहेको छ। यस्तै भारत सरकारले निर्माणाधीन हुलाकी सडकको निर्माण सम्पन्न गर्न १ अर्ब ३० करोड रकम उपलब्ध गराएको हो।

नेपाल भारत संयुक्त आयोगको बैठकमा नेपाल तथा भारतका परराष्ट्रमन्त्रीहरुको बैठकमा नेपाल भारतबीच खाद्य बस्तु तथा तरकारी लगायतका बस्तुहरुको उत्पत्ति प्रमाणपत्र र गुणस्तर प्रमाणपत्र र स्वच्छता प्रमाणपत्र दुवै देशमा मान्य हुनेगरी सम्झौता भएको छ।

काठमाडौँ, ४ भदौ – टोखा नगरपालिका–९ गोँगबुस्थित मोरङ, पर्वत, धौलागिरि, पोखरा होटल एण्ड लजमा दुई व्यक्ति मृत अवस्थामा फेला परेका छन् ।उक्त होटलको १११ नम्बर कोठामा मङ्गलबार राति होटलमा बस्न आएका चितवन चैनपुरका ३७ वर्षीय यामबहादुर मगर र काभ्रेपलाञ्चोक पनौतीका २८ वर्षीय सविना तामाङ बजगाईं आज दिउँसो मृत अवस्थामा फेला परेका हुन् ।

महानगरीय प्रहरी वृत्त महाराजगञ्जका प्रमुख, प्रहरी नायब उपरीक्षक फणिन्द्र प्रसार्इंले मङ्गलबार राति सुत्न आएको दुवैजना आज दिउँसो २ बजेसम्म पनि नउठेपछि प्रहरीमा खबर आएको जानकारी दिनुभयो । दुवै व्यक्ति के कारणले मरे भन्नेबारे अनुसन्धान भइरहेको प्रहरीले जनाएको छ । (रासस)

डडेल्धुरा, ४ भदौ – डडेल्धुराको भित्री मधेशमा पर्ने पर्शुराम नगरपालिका–८ जमरानीमा गम्भीर खालको झाडापखाला ‘हैजा’को प्रकोप देखिएको छ । नगरपालिकाअन्तर्गत सानखोला र धाँदलीफाटाबाट फैलिएको प्रकोप नजिकै रहेकोे गुप्टेगाडा भन्ने गाउँमा पनि देखिएको चिकित्सकले जनाएका छन् ।बिरामीको दिसाको नमूना परीक्षण गर्दा गम्भीर खालको झाडापखाला ‘हैजा’कै जिवाणु भेटिएको डडेल्धुरा अस्पतालका प्रयोगशाला इञ्चार्ज ईश्वरी भुसालले बताउनुभयो । पानीको नमूना परीक्षणमा दिसामा मात्र पाइने ब्यक्टेरिया ‘इकोलाई’ भेटिएकाले महामारी यसैबाट फैलिएको उहाँको भनाइ छ ।

हैजा हो भन्ने पुष्टि भएको छ । हैजा पानीबाट सरेको हुनसक्ने चिकित्सकको भनाइ छ । यो अहिले नियन्त्रण बाहिर रहेको छ । लगातार बिरामी आएका छन् एउटामात्र क्लिनिकमा पाँच जना स्वास्थ्यकर्मीले उपचार गरिरहेका बताइएको छ । स्वास्थ्यकर्मीको कमीका कारण पनि हैजाको सङ्क्रमण बढी रहेको स्थानीयले बताएका छन् ।पर्शुरामका तीन गाउँमा अहिलेसम्म ८१ जनामा गम्भीर खालको झाडापखाला ‘हैजा’ देखिएको साँदनी स्वास्थ्य चौकीका प्रमुख आनन्दकुमार यादवले जानकारी दिनुभयो ।

एक जना गर्भवती, सात बालबालिका र अन्य ७३ जनालाई हैजा भएको पुष्टि भएको डडेल्धुरा अस्पतालका प्रयोगशाला इञ्चार्ज भुसालले जानकारी दिनुभयो । उहाँले भन्नुभयो, “आठ दिनदेखि रातदिन स्वास्थ्यकर्मीको टोली उक्त स्थानमा काम गरिरहेका छन् तर पनि हैजा नियन्त्रणमा लिन सकिएको छैन ।” साउन २९ गते पहिलोपटक झाडापखालाको प्रकोप देखिएको हो ।(रासस)

काठमाडौं – ३५ हजार घुससहित मालपोतका पियन पक्राउ परेका छन् । पक्राउ पर्नेमा मालपोत कार्यालय मनमैजु काठमाडौंका कार्यालय सहयोगी कान्छा भण्डारी रहेका छन् ।

अख्तियार दुरुपयोग अनुसन्धान आयोगले कार्यालय सहयोगी भण्डारी सहित अन्य दुई जनालाई पक्राउ गरेको छ । सहयोगी भण्डारी र जग्गा कारोवारी ईश्वर केसीलाइ ३५ हजार घुससहित पक्राउ गरेको छ।

उनीहरुले गि जग्गा रोक्का राख्न सहज गरिदिने भनी सेवाग्राहीसँग घुस लिएको बताइएको छ । मालपोत कार्यालय मनमैजुको पूर्व ब्रदर किचनमा घुस लिई कार्यालय परिसरमा जादै गरेको अवस्थामा नियन्त्रणमा लिई अनुसन्धान भइरहेको बताइएको छ ।

मध्यपुरथिमि, ४ भदौ- चाँगुनारायण नगरपालिका– ५ खरिपाटीस्थित नेपाली सेनाको ब्यारेक सैनिक प्रतिष्ठान खरिपाटीमा करेन्ट लागेर आज एक मजदूरको मृत्यु भएको छ ।आज महानगरीय प्रहरी परिषर भक्तपुरका प्रहरीले नायब उपरीक्षक रेवतीरमण पोखरेलले नेपाली सेनाको उक्त ब्यारेक भवनमा टायल मार्बलको काम गर्ने भारत मोतिहारी घर भई हाल सोही ब्यारेक भवनमा बस्दै आएका १९ वर्षीया प्रदीपकुमार हजामको करेन्ट लागेर मृत्यु भएको जानकारी दिनुभयो ।करेन्ट लागेर घाइते भएका हजामको भक्तपुर अस्पताल उपचारका क्रममा मृत्यु भएको जानकारी दिँदै प्रहरीले घटनाको अनुसन्धान शुरु गरेको जानकारी दिनुभयो । (रासस)

२०७० सालमा ‘मज्जा छुट्टै’ एल्बम सार्वजनिक गरिसकेका गायक सन्तोष अधिकारी नेपाली गीत संगीत क्षेत्रमा परिचित नाम हो । हाल युरोपमा रहेका गायक अधिकारीले ७० साल यता सिंगल ट्रयाक निक्लादै आइरहेका छन। करिव ५ बर्ष शास्त्रीय संगीत सिकेका उनले गीत , गजल र क्लासिकल फ्लेभरका गीत संगीत मार्फत स्रोता दर्शकलाई मनोरन्जन दिदै आइरहेका छन ।

करिव २ वर्षको अन्तराल पछि उनि फेरि आफ्नो उत्कृस्ट अर्ग्यानिक टेस्टको ू चौतारीको बर ू बोलको म्युजिक भिडियो लिएर दर्शक स्रोता माझ आएका छन। यस गीतमा स्वर सन्तोष अधिकारीको रहेको छ भने लय संकलन चर्चित संगीतकार दिपक शर्माको रहेको छ । गीतका शब्द सुमन बैरागी पण्डितले लेखेका हुन।

रमाइलो डानसिङ प्याट्रनको गीतमा सन्दिप क्षेत्री र समिक्क्षा पोखरेलको अभिनय रहेको छ । भिडियोलाई प्रशान्त तामाङले कोरियोग्राफी गरेका हुन । चौतारीको बरको वरीपरि शुट गरिएको भिडियोलाई नवराज उप्रेतीले खिचेका हुन भने बिकाश दहालले सम्पादन गरेका हुन । अर्जुन अधिकारीको निर्देशनमा बनको भिडियोलाई दर्शक स्रोताको सकारात्मक प्रतिक्रिया प्राप्त भैरहेको छ ।

घोराही, ४ भदौ- दाङमा स्रोत नखुलेको झण्डै १६ लाख भारतीय रकमसहित पाँच व्यक्ति पक्राउ परेका छन् । पक्राउपर्नेमा एक महिलासहित चार पुरुष रहेका छन् ।दाङको तुलसीपुर उपमहानगरपालिका वडा नं ५ बरुवागाउँ निवासी २७ वर्षीय हिराबहादुर विक, बाँके जिल्लाको कोहलपुर नगरपालिका वडा नं २ प्रेमनगर निवासी ४२ वर्षीय सुरेश विक, सोही ठाउँकै मनकुमारी खत्री, रोल्पा जिल्लाको त्रिवेणी गाउँपालिका वडा नं ९ निवासी ४३ वर्षीय प्रकाश केसी र जाजरकोट जिल्लाको बारेकोट गाउँपालिका वडा नं ८ निवासी २७ वर्षीय शिव सिंह भनिने पूर्ण विक रहेका छन् ।

जिल्ला प्रहरी प्रवक्ता विनोद विक्रम शाहले उनीहरु सबैलाई सुराकीका आधारमा पूर्व–पश्चिम राजमार्गअन्तर्गत दाङको लमही नगरपालिका वडा नं ९ जलकुन्डी क्षेत्रबाट पक्राउ गरिएको जानकारी दिनुभयो । उनीहरुको साथबाट स्रोत नखुलेको भारु १५ लाख ७९ हजार ५८० रकम बरामद भएको प्रहरी नायब उपलरीक्षक शाहले बताउनुभयो । पक्राउ परेकामाथि अनुसन्धान भइरहेको प्रहरीले जनाएको छ । (रासस)

गाईघाट, ४ भदौ – उदयपुर जिल्लाको कटारी नगरपालिकासहित कटारी बजारमा पनि डेङ्गुको भय बढेको छ । एक हप्ताभित्र मात्र कटारी क्षेत्रमा डेङ्गुबाट २९ जनाभन्दा बढी प्रभावित भई बिरामी परेका छन् भने अन्य डेङ्गुबाट प्रभावित बिरामीसमेत अहिले उपचारको लागि कटारी अस्पतालमा आउने क्रम बढ्दै गएको बताइएको छ ।अस्पतालका प्रमुख डा पवन साहकाअनुसार १५ श्ययाको कटारी अस्पतालमा अहिले डेङ्गुका बिरामीले अस्पतालका श्यया भरिभराउ भएपछि बाँकी डेङ्गुका बिरामीलाई भूईंमा राखेर उपचार गर्न बाध्य हुन परेको छ । डा साह भन्नुहुन्छ, “अहिलेसम्म २९ डेङ्गुका बिरामीको उपचार गरिरहेका छौँ, केही उपचारपछि घर फर्केका छन् ।”

अस्पताल आएका तीन बिरामीको अवस्था गम्भीर भएकाले एक जनालाई धरानस्थित बिपी मेमोरियल अस्पताल, एकको विराटनगर र अर्का बिरामीलाई काठमाडौँ पठाउन सिफारीस गरिएको डा साह बताउनुहुन्छ । कटारी बजारमा अहिले डेङ्गुको व्यापक प्रभाव देखिएपछि नगरपालिकाले व्यापक नगर सरसफाइ अभियान तथा लामखुट्टे हटाउने अभियान शुरु गरेको नगर प्रमुख ज्ञानेन्द्र श्रेष्ठले बताउनुभयो ।

उहाँका अनुसार डेङ्गुबाट बच्न नगरपालिकाले कटारी बजार र गाउँघरमा सडक खाल्डा, नालाको व्यापक सरसफाइ अभियान थालिएको छ । लामखुट्टे हटाउन ‘स्प्रे’ छर्कने कामदेखि लामखुट्टे मार्ने ग्यास बाल्ने कार्यसमेत गरिएको छ ।स्थानीय सञ्चारमाध्यबाट र नगरपालिकाले माइकबाटसमेत आह्वान गरेर लामखुट्टेबाट सतर्क हुन नगरवासीलाई आग्रह गरिएको छ । प्रदेश नं– १ अन्तर्गतको स्वास्थ्य मन्त्रालयको प्राविधिक टोलीले डेङ्गुको अनुगमन गरेको नगर प्रमुख श्रेष्ठले बताउनुभयो । डेढ महीनाअघि कटारीमा दुई जनामा देखा परेको यो रोग अहिले फैलिँदै गएपछि उच्च सतर्कता अपनाउन थालिएको छ ।

जिल्लाको त्रियुगा नगरपालिका, चौदण्डीको हडिया, सुन्दपुर, बसाहा, बेल्टार र बेलका नगरपालिकाको पुरनदह, भागलपुर, तपेश्वरी, रामपुरसहितका स्थानमासमेत अहिले केही मानिसमा डेङ्गु सङ्क्रमण देखिएको जिल्ला स्वास्थ्य कार्यालयले बताएको छ । कटारीसहित अन्यत्रसमेत गरी ४५ भन्दा बढी मानिस डेङ्गुबाट प्रभावित भएको पनि जिल्ला स्वास्थ्य कार्यालयका प्रमुख रमेश खकुरेलले जानकारी दिनुभयो । (रासस)

बनियानी, ४ भदौ – पछिल्लो समय सामूहिक खेतीतर्फ यहाँका कृषक अग्रसर बन्दै गएका छन् । कम खर्च र मेहनतमा राम्रो उत्पादन लिन सकिने भएपछि यहाँका कृषक सामूहिक खेतीतर्फ आकर्षित भएका हुन् । सरकारले सामूहिक खेती गर्ने कृषकलाई कृषि औजार र मल–बीउ खरीदमा विशेष प्राथमिकता दिँदै आएको छ । समूहमा खेती गर्नेलाई स्थानीय, प्रदेश र सङ्घीय सरकारले बजेटमै विशेष अनुदान कार्यक्रम ल्याएका छन् ।झापाको कनक र झापा गाउँपालिकाका कृषक सामूहिक खेतीमा जुटेका छन् ।

दुई स्थानीय तहको सिमाना पर्ने कनकाई–५ र झापा–६ का ४० भन्दा बढी कृषक सामूहिक खेतीमा जुटेका हुन् । यी दुई स्थानीय तहका कृषकले एकलभन्दा पनि सामूहिक खेती गर्दा सहजतासँगै फाइदा हुने निष्कर्ष निकालेर त्यसतर्फ अग्रसर भएका हुन् । प्रगति पथ कृषि सहकारी संस्थामार्फत यहाँका कृषकले हाल ६५ बिघामा धानखेती लगाइरहेको संस्थाका अध्यक्ष नेत्रप्रसाद चिमरियाले बताउनुभयो ।“६२ बिघामा रोपाइँ गरिसकेका छौँ”, उहाँले भन्नुभयो, “अब एक÷दुई दिनभित्रमा रोपाइँ सकिन्छ ।”

दैनिक ३८÷४० जना रोपार लगाएर धान रोपाइँ भइरहेको उहाँले बताउनुभयो । संस्थामा खनजोतका लागि दुई ट्र्याक्टर भए पनि अन्य कृषि औजार नभएकाले केही समस्या भएको उहाँको भनाइ थियो । बीउ प्रतिमुठ्ठा रु पाँच र रोपारलाई दैनिक रु ५०० ज्याला दिने गरिएको उहाँले सुनाउनुभयो“धान रोप्ने कृषि औजार छैन”, उहाँले भन्नुभयो, “खेतीमा लागत खर्च बढी भएको छ ।” एकलभन्दा सामूहिक खेती गर्दा सहज भएको झापा–६ का हरिकुमार पराजुलीले बताउनुभयो । “एक्लै खेती गर्दा सबै काम आफैँ गर्नुपथ्र्याे”, उहाँले भन्नुभयो, “समूहमा गर्दा खेती गर्न सहज भएको छ ।” पराजुलीले आफ्नो डेढ बिघा जग्गामा समूहमार्फत खेती गरिरहनुभएको छ ।

पराजुलीको जस्तै भनाइ छ, कनकाई–५ का टीकाराम ओझाको । उहाँले समूहमा कृषि औजारको प्रयोग गरेर वैज्ञानिक खेती प्रणाली आउनुपर्ने बताउनुभयो । “समूहमा खेती गर्दा धेरै सहज हुँदोरहेछ”, उहाँले सामूहिक खेती गर्दाको अनुभव सुनाउँदै भन्नुभयो, “एक्लै हुँदा सबै कुराको चिन्ता लिनुपथ्र्यो, अहिले त्यस्तो केही तनाव छैन ।” ओझाले १० बिघा खेती समूहमार्फत् गर्न थाल्नुभएको छ ।

खेतमा अहिले रञ्जित, छोटा बासमती, लाल बासमतीलगायतका धानको बीउ लगाइएको छ । प्रतिबिघा ६० मन धान उत्पादन गर्ने लक्ष्य रहेको प्रगतिपथ कृषि सहकारी संस्थाका उपाध्यक्ष गोकर्ण ओझाले बताउनुभयो ।यो क्षेत्रमा गत वर्षदेखि मकै पकेट क्षेत्रसमेत घोषणा भएको छ । यहाँका कृषकले ७० बिघामा सामूहिक मकैखेती गरेका थिए । जसबाट करीब तीन हजार पाँच मन मकै उत्पादन भएको संस्थाका अध्यक्ष चिमरिलाले बताउनुभयो ।“एक हजार ८०० मन मकै छोडाइसकेका छौँ”, उहाँले भन्नुभयो, “बाँकी १७ सय मन जति छोडाउन बाँकी छ ।”

मकै राम्रो उत्पादन भएपछि कृषक खुशी भएका छन् । मकै पकेट क्षेत्रअन्तर्गत सरकारले रु २५ लाख अनुदानसमेत दिएको छ । संस्थामा दुई वटा मकै रोप्ने मेशिन, एक मकै गोड्ने मेशिन र दुई ट्र्याक्टर छ । उत्पादित कृषि उपज भण्डारणका लागि रु एक करोडको लागतमा भण्डारण गृहसमेत निर्माण गरिएको छ । सात हजार ५०० वर्गफिटको भण्डारण गृहको क्षमता ३० हजार मन रहेको छ । भूमिगत जल सिँचाइअन्तर्गत सिँचाइका लागि रु १७ लाखको लागतमा एउटा डिप बोरिङसमेत जडान गरिएको छ । (रासस)

घोराही, ४ भदौ  : जिल्ला प्रहरी कार्यालय दाङले बैंकको रकम हिनामिना गरेको आरोपमा देव विकास बैंक नारायणपुर शाखाका प्रबन्धक समीर बुढाथोकीलाई छ ।बैंकको करीब रु १८ करोड हिनामिना गरेको आरोप बुढाथोकीलाई लागेको छ । जिल्ला प्रहरी कार्यालय दाङका प्रहरी प्रवक्ता विनोदविक्रम शाहका अनुसार आरोपित बुढाथोकीले बैंकको रु १७ करोड ९९ लाख हिनामिना गरेका थिए । बैंकको केन्द्रीय कार्यालयको उजुरीका आधारमा लमहीबाट उहाँलाई पक्राउ गरिएको हो ।

बुढाथोकीले ३५ जना नक्कली ऋणी तयार गरी आफूलाई फाइदा हुने गरी बैंकबाट पैसा झिकेको बैंकले जनाएको छ । आरोपित बुढाथोकीलाई थप अनुसन्धानका लागि आजै नेपालगञ्ज पठाइने प्रहरीले जनाएको छ । दाङमा वाणिज्य इजलास नभएकाले नेपालगञ्ज पठाइन लागिएको प्रहरी प्रमुख बेलबहादुर पाण्डेले जानकारी दिनुभयो ।घोराही–१५ भरतपुर निवासी बुढाथोकी २०६७ देखि बैंकमा कार्यरत हुनुहुन्थ्यो । डेढ वर्षअघि मात्रै उहाँ प्रबन्धकका रूपमा नियुक्त भएको बताइएको छ ।(रासस)

एजेन्सी- टिभी कि नायिका आश्का गोराडियाको एक भिडियोले सामाजिक संजालमा सनसनि मच्चाएको छ । बेलाबेलामा आफ्ना बोल्ड तस्विर शेयर गरेर चर्चामा आउने उनि हालै पनि एक भिडियोका कारण फ्यानको मा आफु तिर तानेकी छिन् ।

उनले गएको बर्ष डिसेम्वरमा ब्रेंट ग्लोब संग विवाह गरेकी हुन् । उनले विवाहका तस्विर पनि इंस्टाग्राम शेयर गरेकी थिइन् । उनका पति र उनको पहिलो भेट एक कॉन्सर्ट मा भएको थियो । र आश्का गोराडिया ब्रेंट ने को विवाह २०१७ मा हिंदू र क्रिश्चियन रीति(रिवाजमा भएको हो । उनको पहिलो विवाह रोहित बख्शी संग २००६मा भएको र उनिहरुको एक आपसको सम्बन्ध नमिले पछि उनले २००६मा नै डिब्बोर्स गरेकी थिइन् ।

पछाडि प्रेमि में ही ब्रेंट संग डेट परेपछि विवाह गरेकी हुन् । उनले प्राय फोटो र भिडियोहरु सामाजिक संजालमा पोस्ट गरिरहन्छिन् उनि एक डान्सर समेत रहेकी छिन् । उनले आफुले डान्स गरेको भिडियो बेलाबेलामा शेयर गरेकै हुन्छिन् । हालै पनि उनले नयाँ भिडियो इन्स्टाग्राममा शेयर गरेकी छिन् । जुन भिडियो लाखौ फ्यानले हेरेका छन् ।

चित्लाङ, भदौ ४- बुुधबारबाट मकवानपुरको पर्यटकीय स्थल चित्लाङमा पटकथा लेखन कार्यशाला सुरु भएको छ । पटकथा सिकाउन बलिउडका चर्चित फिल्म लेखक रोबिन भट्ट र हलिउडका स्क्रिप्ट राइटर जेफ मोनाहान चित्लाङ आइपुगेका छन् ।

चलचित्र विकास बोर्डको सहयोगमा नेपाल फिल्म एन्ड कल्चर एकेडेमीले आयोजना गरेको कार्यशालाको उद्घाटन प्रदेश नम्बर ३ को आन्तरिक मामिला तथा कानुन मन्त्री शालिकराम जम्कट्टेलले गरेका थिए । मन्त्री जमरकट्टेलले कार्यशाला आयोजनाको प्रशंसा गर्दै राज्य नेपाली फिल्मको स्तरउन्नतिका लागि चिन्तित रहेको बताए ।

‘फिल्म समाजको प्रतिबिम्ब हो, यसले सांस्कृतिक संरक्षणमा मद्दत पुु¥याउँछ,’ उद्घाटन समारोहमा बोल्दै उनले भने, ‘तर, यसका लागि राज्यले जति ध्यान दिनुपर्ने हो त्यति नदिएको गुनासो सुन्ने गरिन्छ । हामी यो गुनासो सम्बोधन गर्न सकरात्मक छौ ं। त्यसैले दोलखामा फिल्म सिटी बनाउने कार्यलाई पनि तिब्रता दिने तरखरमा छौ ं।’

त्यस्तै वरिष्ठ अभिनेता नीर शाहले नेपाली फिल्मलाई प्राज्ञिक पहिचान दिलाउन यस्ता वर्कशपले सहयोग पु¥याउने बताए । ‘हामीले नेपालमा विदेशी फिल्म लगभग विस्थापित गरिसक्यौं । अहिले सिनेमा हलमा ६५ प्रतिशत दर्शक नेपाली फिल्मका छन् तैपनि हामीले नेपाली फिल्मलाई प्राज्ञिक पहिचान दिलाउन सकेको छैनौं । यस्ता कार्यशालले नै त्यो पहिचान दिलाउन सहयोग पु¥याउने हो ।’

त्यस्तै चलचित्र विकास बोर्डका अध्यक्ष केशव भट्टराईले नेपाली फिल्मको पटकथा सुधारका लागि यो वकर्शपले भूमिका खेल्ने आशा व्यक्त गरे । ‘पटकथा फिल्मको मेरुदन्ड हो। यो बलियो भएन फिल्म बलियो हुनसक्दैन,’ उनले भने, ‘त्यसैले म बोर्ड बाहिर रहँदा पनि पटकथा लेखन एकदमै महत्वपुर्ण महसुस गर्थें । यस्ता कार्यक्रम बोर्डले आयोजना गरे हुन्थ्यो भन्ने लाग्थ्यो त्यसैले अहिले प्रस्ताव आउनासाथ सहकार्य गरियो।’

कार्यशालामा प्रशिक्षण दिन आएका रोबिन भट्टले ७० बढी बलिउड फिल्म लेखेका छन् । उनले हिट हिन्दी फिल्महरु ‘बाजीगर’, ‘ओमकारा’, ‘कृष’, ‘चलते चलते’, ‘चेन्नइ एक्सप्रेस’ आदि लेखेका हुन् । त्यस्तै जेफ भने अमेरिकाको न्युयोर्क फिल्म एकेडेमीमा पढाउँछन्।् ।
‘नेपाल आउने रहर पहिला देखि नै थियो । आफ्नो लेखनयात्रा नेपालका लेखकसँग बाँड्न पाउँदा म साँच्चिकै उत्साहित छु,’ प्रशिक्षक भट्टले भने ।

जेफसँगै मिलेर रोबिनले पटकथा लेखनका शैली, अभ्यास र व्याकरण सिकाउँदै छन् ।

आयोजक एकेडेमीका अध्यक्ष केपी पाठकले नेपालमा फिल्म लेखकको कमीलाई महसुस गरी लेखन कार्यशाला आयोजना गरेको बताए । ‘राम्रो पटकथा कुनै पनि राम्रो फिल्मको आधार हो । वर्कसपले यो क्षेत्रमा काम गरिरहेका लेखकलाई थप क्षमता विकासका लागि प्रेरित गर्ने अपेक्षा गरेका छौं,’ उनले भने ।
कार्यशालापछि सहभागी हरेकले एउटा पटकथा लेख्न पर्ने र त्यसबाट एक जना विजेता छान्ने बताइएको छ । उत्कृष्ट हुने पटकथालाई छोटो फिल्म बनाउनका लागि १ लाख नगद उपलब्ध गराउने अध्यक्ष पाठकले बताए । कार्यशाला चित्लाङको चित्लाङ रिसोर्टमा ७ दिनसम्म चल्नेछ ।

काठमाडौं, भदौ ४ । ब्राजिलमा भिषण आगलागी भएको छ । बिबिसीका अनुसार ब्राजिलको धेरै पानी पर्ने अमेजन वन क्षेत्रमा यस वर्ष अहिलेसम्मकै सबैभन्दा धेरै डढेलो लागेको हो । ब्राजिलको अन्तरिक्ष निकाय नेसनल इन्स्टिट्युट फर स्पेस रिसर्च ९आइएनपीई०काअनुसार गत वर्षभन्दा यस वर्ष डढेलो अहिलेसम्मकै सर्वाधिक अर्थात यो वर्ष मात्रै ८३ प्रतिशतले बढेको छ ।

राष्ट्रपति जाइर बोल्सोनारूले आइएनपीईका प्रमुखलाई पदमुक्त गरे लगत्तै सार्वजनिक भएको नयाँ तथ्यांकले अहिल ब्राजिलमा र्खैलाबैला नै मच्चिएको छ । अन्तराष्ट्रिय समाचार एजेन्सीहरुका अनुसार वनमा लागेको डढेलोबाट निस्किएको धुवाँका कारण साओ पाउलो सहरमा दिउँसै अन्धकार भएको थियो । जनवरीदेखि अगस्ट महिनाबीच ७२ हजारओटा डढेलो लागेको बिबिसीले जनाएको छ ।

रवि लामिछानेका दाई हरिसरण लामिछानेले रवि राजनीतिमा आउनसक्ने बताएका छन । भरतपुरमा पत्रकारसँग कुरा गर्दै उनले भविष्यमा राजनीतिमा आउनसक्ने बताएका हुन । मिडियामा बढ््दो उनको लोकप्रियताले राजनीतिक भविष्य पनि देखिने गरेकाले सम्भावना रहेको बताए । यद्यपी उनले मिडियाबाट नटाढिएकै राम्रो हुने पनि उल्लेख गरेका छन ।

रविमा देखिएको डाईनामिकपनाले धेरै समर्थकको मन जितेका बताउदै उनले भने मिडीयाबाट राजनीतिमा लागेका कयौन उदाहरणहरु रहेका छन, उनले राजनितिमा होमिन सक्छन । उनले रविलाई देखिएर व्यक्तिगत तथा विभिन्न स्वार्थपुर्ति गर्नेहरुलाई विस्तारै चिन्दै जाने बताए ।

उनले भने बाहिर चर्चामा रहेका आरोप जस्तो कोहि कसै स्वार्थपुर्तिका लागी पनि आएका हुनसक्छन तर तिनिहरुलाई समयक्रमसँगै चिन्दै गईन्छ । उनले अदालतको निर्णयप्रति चित्त दुखाएका छन । बाहिरै राखेर पनि अनुसन्धान गर्ने अवस्था हुँदाहुँदै म्याद थपिनु दुखद भएको बताए ।

एजेन्सी -भारतिय चर्चित टेलि सिरियल ‘साथ निभाना साथिया’बाट निकै चर्चामा आएकी नायिका हुन् देवोलीना भट्टाचार्या । उनलाई साथ निभाना साथियाबाट नै दर्शकले अत्याधिक मन पराएका हुन् ।

असल सस्कारी बुहारीको रुपमा देखिने देवोलीना सिरियलमा मात्र नभई सामाजिक सँजालमा पनि उतिकै सक्रिय रहेकी छिन् । असल छोरी असल बुहारी र शान्त सोभाब रहेकी भट्टाचार्याको अभिनयलाई दर्शकहरुले उतिकै मन पराएका छन् । उनले बेलाबेलामा आफ्ना हट तस्विरहरु शेयर गरेकी हुन्छिन् ।

साथियामा नै देवरको भुमिकामा अभिनय गरेका जिगर र देवोलीनाको प्रेमको सम्वन्ध उतिकै चर्चा चलेको थियो । सिरियलमा साडी कसर्ता सजने उनी बाहिर बने निकै हट बनेर हिड्छिन् ।
उनले यतिबेला आफ्ना सुन्दर तस्विरहरु शेयर गरेकी छिन् ।

खोटाङ -जिल्लामा एक सामाजिक बहिस्कारको घटना भएको छ । घटनाका पीडित व्यक्तिले समाजबाट बहिस्कारमा परेपछि प्रदेश सरकारसँग गुहार मागेका छन । जिल्ला समन्वय समितिले गत जेठ १८ गते खाल्लेमा आयोजना गरेको सहभोजमा सहभागी दिक्तेल रुपाकोट मझुवागढी नगरपालिका–१ दिक्तेलका ७६ वर्षीय टङ्कप्रसाद आचार्य बहिस्कारमा परेका हुन । जिल्लाका प्रतिष्ठित व्यक्ति भेला भएको कार्यक्रममा आचार्यसहित सबैले सामूहिकरूपमा भोज खाएका थिए । मानिसमा ठूलो र सानो जात हुँदैन भन्ने ठहरका साथ सहभोजमा बनाइएका परिकार आचार्यलगायत सबैले खाउ । यसले सामाजिक रूपमा एउटा सकरात्मक सन्देश दिएको थियो ।

सहभोजमा जिल्लाका सबैजसो राजनीतिक दलका नेता उपस्थित रहेका थिए । दलितकै घरमा आयोजित कार्यक्रममा नेपाल राष्ट्रिय दलित समाज कल्याण सङ्घका अध्यक्ष चर्चबहादुर विश्वकर्माले प्रदेश सरकारका मुख्यमन्त्री शेरधन राईलाई दलितको छोरी बिहे गर्न अनुरोधसमेत गरेका थिए । प्रदेश नं १ लाई छुवाछूतमुक्त प्रदेश बनाउने प्रदेश सरकारको अभियानअन्तर्गत खाल्लेमा सहभोजको आयोजना गरिएको थियो । तर, यसको परिणाम वृद्ध अवस्थाका आचार्यलाई असार २७ गतेमात्र थाहा भयो ।

जुन दिन उनले आफ्नो संस्कारअनुसार पितृको श्राद्ध गर्नु थियो । असार २६ गते नै कपाल काटेर उनी एकछाकी बसेका थिए । असार २७ गते उनका पुरोहित वसन्त घिमिरे लफ्याङबाट आउनुपर्ने थियो तर, आएनन् । आचार्यले निकै समय पर्खे तर पुरोहित नआएपछि उनलाई ठूलो समस्या भयो । उनले सहभोजमा आमन्त्रण गर्ने र जान प्रेरित गर्नेलाई फोन गरेर समस्या सुनाए।त्यसपछि कोही पनि पुरोहित उनको घरमा आएनन् । पुरोहित नपाएपछि नगरप्रमुखदेखि जिल्लाबाट निर्वाचित प्रदेश सभा सदस्य र सांसदलाई समेत यो समस्याले तनाव दिएको थियो । पुरोहितले दलितले छोएको खाएर जात छाडेकाले उनकोमा पूजापाठ गर्नु आफँै बिटुलिनु हो भनेर उपस्थिति जनाएनन् ।

आचार्यको फोन आएपछि नगरप्रमुख दीपनारायण रिजालसहितका जनप्रतिनिधिलाई ठूलो दबाब आइपरेको थियो । अन्ततः निकै ठूलै कसरतपछि नेर्पाका चित्रकुमार सुवेदी ९नगरपालिकाकै नायब सुब्बा०लाई आचार्यको पितृश्राद्ध गर्न पठाइयो । लामो समयदेखि पुज्दै आएको पुरोहित नआएपछि हतोत्साहित भएका आचार्यलाई जिल्लामा सम्मान पनि गरिएको थियो । नगर दिवसका अवसरमा नगरपालिकाले, जिल्ला समन्वय समितिले र शहीद मनोज जोशीको स्मृति दिवसमा आचार्यलाई सम्मान गरेको थियो ।

सहभोजमा सहभागी भएपछि आचार्यलाई गाउँकै दाजुभाइले समेत बहिस्कार गरेका छन् । आचार्यलाई गाउँमा हुने धार्मिक तथा सांस्कृतिक कार्यक्रममा निम्तोसमेत गर्न छाडेपछि नेपाल राष्ट्रिय दलित समाज कल्याण सङ्घ र खोटाङ दलित विकास मञ्चले जिल्ला प्रशासन कार्यालयमा चार जनाविरुद्ध उजुरी दिएको थियो । जिल्ला प्रशासनमा उजुरी परेपछि जिल्ला प्रहरी कार्यालयमा पक्ष र विपक्षबीच छलफलपछि मिलापत्रसमेत गरिएको थियो । गाउँ–समाजले बहिस्कार गरेपछि हप्ता दिनअघि जिल्ला छाड्नुभएका आचार्य अहिले प्रदेश सरकारसँग गुहार मागिरहेका छन।

जिल्लास्थित कानूनी कारवाही गर्ने अड्डाले आफूमाथि भएको अन्यायमा कुनै चासो नदिएपछि प्रदेश सरकारसमक्ष दुखेसो राख्न विराटनगर आएको आचार्यले बताए। “मैले हाम्रो समाजमा लामो समयदेखि रहिआएको छुवाछूत प्रथालाई अन्त्य गर्न अभियान शुरु गरेको हुँ”, उनले भने, “आफ्नै वंशका टाठाबाठा भनिने व्यक्तिले बहिस्कार गरेपछि कानूनी उपचार खोज्न यहाँ आएको हुँ ।” गाउँबाट बहिस्कृत भएका आचार्यले मङ्गलबार मुख्यमन्त्री शेरधन राईलाई भेट गरेका छन। मुख्यमन्त्री राईले आचार्यको अभियानमा प्रदेश सरकारको पूर्ण साथ रहने बताएको जनाइएको छ ।रासस

घोराही, भदौ ४-जिल्ला प्रहरी कार्यालय दाङले बैंकको रकम हिनामिना गरेको आरोपमा देव विकास बैंक नारायणपुर शाखाका प्रबन्धक समीर बुढाथोकीलाई पक्राउ गरेको छ ।

बैंकको करीब रु १८ करोड हिनामिना गरेको आरोप बुढाथोकीलाई लागेको छ । जिल्ला प्रहरी कार्यालय दाङका प्रहरी प्रवक्ता विनोदविक्रम शाहका अनुसार आरोपित बुढाथोकीले बैंकको रु १७ करोड ९९ लाख हिनामिना गरेका थिए । बैंकको केन्द्रीय कार्यालयको उजुरीका आधारमा लमहीबाट उनलाई पक्राउ गरिएको हो ।

बुढाथोकीले ३५ जना नक्कली ऋणी तयार गरी आफूलाई फाइदा हुने गरी बैंकबाट पैसा झिकेको बैंकले जनाएको छ । आरोपित बुढाथोकीलाई थप अनुसन्धानका लागि आजै नेपालगञ्ज पठाइने प्रहरीले जनाएको छ । दाङमा वाणिज्य इजलास नभएकाले नेपालगञ्ज पठाइन लागिएको प्रहरी प्रमुख बेलबहादुर पाण्डेले जानकारी दिए ।

घोराही–१५ भरतपुर निवासी बुढाथोकी २०६७ देखि बैंकमा कार्यरत थिए । डेढ वर्षअघि मात्रै उनी प्रबन्धकका रूपमा नियुक्त भएको बताइएको छ ।

साँखु, ४ भदौ  : लामो समयदेखि चावहिल–साँखु सडकखण्डको निर्माण सम्पन्न नहुँदा यातायात व्यवसायीले विरोध शुरु गरेका छन् । सडक नबन्दा हिलो र खाल्डोमा परेर दिनहुँ गाडी बिग्रने तथा सरल र सहजरूपमा यातायात सेवा सञ्चालन गर्न नपाएको भन्दै व्यवसायीले विरोध गरेका हुन् ।यस सडकखण्डमा हिउँदमा धुलो र बर्खाको हिलोबाट आजित भएपछि आन्दोलित भएको साँखु शालीनदी यातायात प्रालिका अध्यक्ष गोविन्द श्रेष्ठले बताउनुभयो । व्यवसायीले गाडीमा कालो झण्डासहित ‘हामीले तिरेको कर कहाँ जान्छ ?’, ‘हिलो धुलोमुक्त बाटोमा हिँड्न कहिले पाइन्छ सरकार ?’ लगायतको ब्यानर राखेर विरोध गरेका थिए ।

सडकको अवस्थालाई लिएर आन्दोलिन हुँदै आएका स्थानीयबासिन्दाको सहयोगमा यातायात व्यवसायीले गाडीमा कालो झण्डासहित सरकारलाई प्रश्न गरेका छन् । सोही रुटमा चल्ने बाबा गोकर्णेश्वर यातायात अटो प्रालि र साँखु शालीनदी यातायात प्रालिले संयुक्तरूपमा विरोध गरेका हुन् ।सडकखण्डअन्तर्गतका केही भाग कालोपत्र गरे पनि अन्य ठाउँमा भने पानी पर्दा हिलो र घाम लाग्दा धुलोले यात्रु तथा स्थानीय आक्रान्त बनेका छन् ।

सडकखण्ड मर्मत तथा निर्माण सम्पन्न गर्नका लागि ध्यानार्कषण गर्न बनेको साँखु जोरपाटी शङ्खरापुर सडक सरोकार समितिका अध्यक्ष मिलन खड्काले सम्बन्धित निकायलाई पटकपटक ध्यानाकर्षण गराउँदा पनि कुनै सुनुवाइ नभएको भन्दै गुनासो पोख्नुभयो ।विभिन्न चरणमा स्थानीयले आन्दोलन गर्दै सडक निर्माण गर्न दबाब दिँदै आएको भए पनि सो सडकको भौतिक प्रगति भने अझै भएको छैन । विसं २०७२ मा दुई वर्षभित्र चावहिल–साँखु सडकखण्ड विस्तारको काम सक्ने गरी सडक निर्माण शुरु गरिएको थियो । सडक निर्माणको अवधि सकिँदा पनि अझै आधा काम पनि सकिएको छैन ।

म्याद सकिए पनि पटक–पटक म्याद थप गर्दै ठेकेदार कम्पनीलाई सडक विस्तारको जिम्मा लगाए पनि कामले गति लिन सकेको छैन । सरकारले चावहिलबाट साँखुसम्म २२ मिटर चौडा चार लेनको सडक बनाउने योजना ल्यायो र काठमाडौँ उपत्यका सडक विस्तार आयोजनाले २०७२ जेठमा सडकखण्डको निर्माणको लागि बोलपत्र आह्वान गरेर असोजमा चार निर्माण व्यवसायीलाई ठेक्का दिएको थियो ।

कूल लम्बाइ ११ दशमलव ४६ किलोमिटर रहेको उक्त सडकखण्डमा चार कम्पनीले समयमै निर्माण नसक्ने भएपछि थप एक कम्पनी गरी पाँच ठेकेदार कम्पनीले यो सडकको विस्तार गरिरहेका छन् । सडक निर्माणमा विलम्ब भएको भन्दै थप एक कम्पनीसहित सडक निर्माणको काम शुरु गरेको भए पनि सडक विस्तारको कामले भने अझै गति लिन सकेको छैन ।(रासस)