पोखरा १६ मंसिर । गण्डकी प्रदेशमा सुरु भएको नेपाली कांग्रेसको प्रदेश अधिवेशनको उद्घाटनमा आफ्ना पक्षका नेताहरुलाई बोल्न नदिएको भन्दै संस्थापनइतरका नेता कार्यकर्ताले मञ्चमै विरोध जनाउँदै नारावाजी गरेका छन् ।
सभापति शेरबहादुर देउवा पक्षबाट सभापतिमा अर्जुन जोशीलाई उक्त प्रदेशमा अघि सारिएको छ ।
उनले मञ्चमा आफ्नो लागि मत समेत मागेका थिए । वरिष्ठ नेता रामचन्द्र पौडेल समूहका नोत कार्यकर्ताले भने आफ्ना नेताहरुलाई बोल्न नदिएको भन्दै नारावाजी गरेका छन् ।
पौडेल पक्षमा देवराज चालिसे, यज्ञबहादुर थापा, शुक्रराज शर्मालगायत नेता र कार्यकर्ताहरुले बोल्न मञ्च माग्दै देउवा पक्षविरुद्ध नाराबाजी गरेका हुन् ।
सभापतिमा ९१ हजार, उपसभापतिमा ६१, महामन्त्रीमा ५१,सहमहामन्त्रीका लागि ४१ र सदस्यलाई ३१ हजार शुल्क तोकिएको छ ।
