काठमाडौँ ११ असार । नेपाली कांग्रेसको १४ औँ महाधिवेशनको लागि सभापतिका आकांक्षीहरु डा. शशांक कोइराला, प्रकाशमान सिंह र विमलेन्द्र निधिबीच भेटवार्ता भएको छ। आज शुक्रबार कोइराला निवासमा भएको छलफलमा यी तिनै जनाले आफुहरु एकै ठाउँमा भएको बताएका छन् ।
तिनै जनाले सभापतिको उम्मेदवारीमा दावी गर्ने जनाए पनि मिलेर जाने भन्दै आएका छन् । आजको भएको छलफलमा पनि तीन जनाबीच सहमति भएर गठबन्धन पनि बन्न सक्ने जनाइएको छ । एकै ठाउँमा भएकाले हाम्रो बीचमा सहमतिमा नेतृत्व हुने सम्भावना बढी भएको महामन्त्री कोइरालाले बताउँदै आएका छन् ।
