पुरुषका लागि गर्भनिरोधक सुईः २७० पुरुषमा सुई लगाउँदा चारजनाका श्रीमती मात्र गर्भवती

Posted By OS Nepal || Date: 1 December, 2016

boyएजेन्सीः गर्भनिरोधकको लागि पुरुषलाई हर्मोन सुई दिन सकिने एक अध्ययनले देखाएको छ । अमेरिकामा २७० पुरुषलाई यो सुई लगाइएकोमा जम्मा ४ जनाका श्रीमती गर्भवती भएका छन् ।

तर, धेरै जनाको अनुहारमा दाग देखिनुका साथै बिना कारण मूड विग्रिएको पनि उनीहरुको गुनासो छ । अनुसन्धानकर्ताले झण्डै २० वर्षदेखि पुरुषमा गर्भनिरोधक उपाय खोजी गरिरहेका छन् । उनीहरुले कुनै असर बिना पुरुषको शुक्राणु उत्पादन नै कम गर्न कोसिस गरिरहेका छन् ।

पुरुषमा शुक्राणुको उत्पादन लगातार भैरहन्छ । यो उत्पादनलाई १.५० करोड शुक्राणु प्रति मिलिलिटर बाट घटाएर १० लाख प्रति मिलिलिटरमा झार्न धेरै हार्मोनको आवश्यक पर्छ ।

धेरै टिभी हेर्ने गर्नाले पनि शुक्राणु उत्पादन कम हुने अध्ययनले देखाएको छ । यस्तै मृत पुरुषको शुक्राणुबाट पनि बच्चा हुने देखिएको छ । जर्नल अफ क्लिनिकल एंड्रोकाइनोलोजी एण्ड मेटाबोलिन्जममा यो प्रयोगको नतिजा छापिएको छ । यी पुरुषलाइृ आठ हप्तामा दुई हर्मोन प्रोजेस्टेराँट र एक तरिकाको टेस्टोस्टेराँन दिइएको थियो ।

उनीहरुमाथि ६ हप्तासम्म निगरानीमका राखियो । यसले गर्दा यी पुरुषको विर्यमा शुक्राणुको संख्या १० लाख प्रति मिलिलिटरले कम भएको थियो । उनीहरुलाई एक वर्षसम्म कुनै पनि गर्भनिरोधक उपाय प्रयोग नगर्न पनि भनिएको थियो ।

सुई दिन छाडेपनि पुरुषको शुक्राणु उत्पादन फेरि ह्वात्तै बढेको पनि अध्ययनमा उल्लेख छ । प्रयोग रोकिएको एक वर्षपछि आठ जनाको शुक्राणुको गन्ती असामान्य भएको थियो ।

विश्व स्वास्थ्य संगठनका डाक्टर मारियो फेस्टिनले अध्ययन अनुसार गर्भनिरोधकको प्रयोग गरेर पुरुषको हर्मोन घटाएर अनिच्छाएको गर्भ रोक्न सकिने बताए ।

केहि व्यक्तिले भने बिना कारण मुड बिग्रने, माशंपेसी दुख्ने र मुखमा केहि दाग आएको गुनासो गरेका छन् । यस्तो गुनासो गर्ने २० जना यो प्रयोगबाट हटेका थिए ।

अनुसन्धानकर्ताले २०११ देखि नयाँ व्यक्तिमा यसको प्रयोग बन्द गरेका थिए । डाक्टर फेस्टिनका अनुसार अनुसन्धानकर्ताले त्यही हर्मोनको अलग अलग मात्रमा प्रयोग गरेर नयाँ प्रयोग गर्ने विचार गरिरहेका छन् । यसको साथै यहि हर्मोनलाई जेल जस्तै अर्को रुपमा पनि प्रयोग गर्न सकिनेछ ।

उनी भन्छन् पुरुष गर्भनिरोधकको लागि सहि मात्रामा सहि सामग्रीको प्रयोगको बारेमा थाहा पाउन निकै महत्वपूर्ण पाइला हो । अहिलेसम्म पुरुषको लागि कुनै पनि प्रकारको गर्भनिरोधक साधनको व्यवसायिक उत्पादन सुरु भएको छैन ।

.

Loading...

Comment Here!

भिडियो हेर्न यहाँ क्लिक गर्नुहोला!