काठमाडौं १६ कात्तिक ।वाग्मती प्रदेशको प्रदेश सभाको बैठक कात्तिक २२ गते बस्ने भएको छ ।
तत्कालिन मुख्यमन्त्री अष्टलक्ष्मी शाक्यले पदबाट राजीनामा दिएपछि कात्त्तिक १० गते देखि स्थगित भएको पदेश सभाको बैठक २२ गते बस्ने भएको हो ।
शाक्यले राजीनामा दिएको भोलीपल्ट नेताद राजेन्द्र पाण्डे मुख्यमन्त्रीमा नियुत्त भएका थिए । २२ गते बस्ने बैठकमा नवनियुक्त मुख्यमन्त्रीले विश्वासको मत लिने भएका छन् ।
पाण्डेलाई गठबन्धनका ५९ जना सांसद समर्थन रहेको छ । जसले पाण्डेको सरकार टिकाउन बहुमतको काम गर्ने भएको छ ।
जसमा माओवादी केन्द्रको २३, काँग्रेसको २२, एकीकृत समाजवादीको १३ र जसपाका एक जना प्रदेश सांसदको समर्थन रहेको छ ।
