धनगढी २ मंसिर । नेकपा एकीकृत समाजवादीका अध्यक्ष माधवकुमार नेपालले हाल सर्वोच्च अदालतमा देखिएको समस्या समाधान गर्न प्रधानमन्त्री शेरबहादुर देउवाले पहल गर्ने बताएका छन् ।
बिहिबार धनगढीमा पार्टीको सुदूरपश्चिम प्रदेशको कार्यालय उद्घाटनपछि सञ्चार कर्मीहरुसँग बोल्दै अध्यक्ष नेपालले यस्तो प्रतिक्रिया दिएका हुन् ।
‘हाम्रो पाँच दलको बैठक बस्यो । बैठकले सर्वोच्च अदालतमा देखिएको समस्यालाई राम्रो वातावरणमा छिटो भन्दा छिटो समाधान हुनुपर्दछ, सबै पक्षको ध्यानाकर्षण गराउने निर्णय गरेको छ,’ नेपालले भने ।
प्रधानमन्त्रीले यसको लागि पहल गर्ने बताएका अध्यक्ष नेपालले अदालतको समस्या चाँडो समाधान हुनुपर्ने बताएका छन् ।
साथै उनले चाँडै पार्टीले जग्गा खरिद गरी आफ्नै भवन निमार्ण गर्ने समेत बताएका छन् ।
