मोरङ २९ मंसिर । जागरि लगाई दिन्छु भन्दै रकम ठगी गरेको अभियोगमा प्रहरीले एक जनालाई पक्राउ गरेको छ । पक्राउ पर्नेमा गोरखा लखन गाउँपालिका-२ का ३८ बर्षीय गणेशराज अर्याल रहेका छन् ।
निजले उदयपुर त्रियुगा नगरपालिका-८ बस्ने २ जनालाई जागिर लगाइ दिन्छु भन्दै प्रलोभनमा पारी पटक-पटक गरी नगद १ लाख ७३ हजार रुपैयाँ ठगी गरेको प्रहरीको अनुशन्धानबाट खुल्न आएको छ ।
सोमबार साँझ पक्राउ परेका निजउपर जिल्ला अदालत मोरङबाट ठगी कसूरमा म्याद थप गरी आवश्यक अनुसन्धान भइरहेको प्रहरीले जनाएको छ ।