काठमाडौं ६ पौष । आज मंगलबार संसद बैठकको दशौं अधिवेशन दिउँसो १ बजे बस्ने भएको छ । आज बस्ने संसद बैठकमा चार वटा कार्यसुची पेश गर्ने संसद सचिवालयले जनाएको छ ।
आजको बैठकमा एमसीसीको विषयमा टेबुल गर्ने सम्भावित कार्यसुची रहेको छ । आजको बैठकमा पनि प्रतिपक्षी दल नेकपा एमालेले अवरोध गर्ने तयारी गरेको बुझिएको छ ।
मंसिर २८ गते दशौं अधिवेशनको पहिलो बैठक पनि एमालेको अवरोधका कारण अवरुद्ध भई स्थगित भएको थियो । यौन हिंसा विरुद्धको केहि ऐन संशोधन गर्ने कार्यसुची रहेको छ ।
साथै यौन हिंसा विरुद्धका ऐन संशोधन र फौजजारी कसुर तथा फौजदारी कार्यविधि सम्बन्धि ऐन संशोधन गर्ने कार्य सुची रहेको छ ।
