काठमाडौं ६ पौष । विवेकशील साझा पार्टीका संयोजक मिलन पाण्डेलाई पार्टीले निष्काशन गरेको छ । आज मंगलबार बसेको पार्टीको केन्द्रिय कार्यसम्पादन समितिको बैठले यस्तो निणर्य गरेको हो ।
पाण्डेलाई पार्टीको नाम, लेटरहेड, छाप, चुनाव चिह्न तथा पार्टीसँग सम्बन्धित कुनै पनि सामग्री आजैका मितिदेखि प्रयोग नगर्न भन्दै पार्टीको सदस्य समेत नरहने गरी निष्कासन गरिएको छ ।
पार्टीले सार्वजनिक गरेको पत्रमा उल्लेख गरिएको छ , ‘तपाईंले प्रयोग गर्दै आउनुभएको पार्टीको नाम, लेटरहेड, छाप, चुनाव चिह्न तथा पार्टीसँग सम्बन्धित कुनै पनि सामग्री आजैका मितिदेखि प्रयोग नगर्न र गरेमा प्रचलित कानुन बमोजिम कारबाही अघि बढाइने जानकारी पनि गराइन्छ ।’
तर संयोजक पाण्डेले आजैबाट पार्टीलाई मुल बाटोमा फर्काउन पार्टी सुदृढीकरण अभियान घोषणा गरेका छन् ।
