काठमाडौ ६ पौष । नेपाली कांग्रेसको १४ औं महाधिवेशन अन्र्तगत जारी मतगणनामा मधेसी आरक्षण कोटामा उद्योगी विनोद चौधरी निर्वाचित भएका छन् ।
आज मंगलबार सम्पन्न भएको मतगणनमा चौधरीले निकै लोकप्रिय मत ल्याएर निर्वाचित भएका हुन् । उनीसहित पाँन जना आरक्षण कोटाबाट केन्द्रिय सदस्यमा निर्वाचित भएका हुन् ।
पहिलो स्थानमा अजय चौरासिया परेका छन् । जसले २५२२ मत ल्याएका छन् ।
दोस्रो स्थानमा २२०६ मत सहित चौधरी निर्वाचित भएका छन् ।
साथै चन्द्रमोहन यादवले २१३८, महेन्द्रकुमार रायले १९८४ र दिनेश यादवले १९५९ मत पाएका छन् ।
जसमा चौरासिया, चौधरी, राय र दिनेश यादव शेरबहादुर देउवा समुहका हुन् भने चन्द्रमोहन यादव भने शेखर कोइराला समुहका हुन् ।
चन्द्रमोहन पुर्व राष्ट्रपति रामवरण यादवका छोरा हुन् ।
