OSNepal शुक्रबार, माघ ७ २०७८

हिमपातपछि त्रिभुवन राजपथ अवरुद्ध,हिउँ पन्छाएर यातायात सञ्चालन गर्ने तयारी

हिमपातपछि त्रिभुवन राजपथ अवरुद्ध,हिउँ पन्छाएर यातायात सञ्चालन गर्ने तयारी

  • OSNepal
  • बुधबार, पौस १४ २०७८


हिमपातपछि त्रिभुवन राजपथ अवरुद्ध,हिउँ पन्छाएर यातायात सञ्चालन गर्ने तयारी
Reading Time: < 1 minute

मकवानपुर, १४ पुस – त्रिभुवन राजपथअन्तर्गत पर्ने मकवानपुर जिल्लाको सीमभञ्ज्याङ र अघोरमा हिउँ पर्नाले हेटौँडा–काठमाडौँतर्फको यातायात सेवा आज बिहानैदेखि अवरुद्ध भएको छ । गए रातिदेखि बाक्लो हिउँ परेपछि आज बिहान सवा ७ बजेदेखि यातायात अवरुद्ध भएको इलाका प्रहरी कार्यालय पालुङका प्रहरी निरीक्षक श्रीराम तिमल्सिनाले जानकारी दिनुभयो ।

उहाँका अनुसार उक्त स्थानमा अहिले हिउँ परिरहेकाले काठमाडौँबाट हेटौँडातर्फ र हेटौँडाबाट काठमाडौँतर्फ जाने विभिन्न सवारीसाधन सञ्चालन गर्दा दुर्घटना हुने सम्भावनाको जोखिम देखिएकाले यातायात सञ्चालनमा रोक लगाएको हो । उहाँले मौसम सुधार भएमा आज दिउँसो अपराह्नसम्ममा हिउँ पन्छाएर यातायात सञ्चालन गर्ने तयारी भइरहेको बताउनुभयो ।(रासस)

प्रतिक्रिया
सम्बन्धित समाचार

  • फेसबुक
  • ट्वीटर
  • युट्युब
  • A यूनिकोड