पारिवारीक कथामा बनेको ‘मेरो कथा’ अब साताको दुईपटक आउने – OSNepal

पारिवारीक कथामा बनेको ‘मेरो कथा’ अब साताको दुईपटक आउने

Osnepal Admin (KTM) December 30, 2021 0

काठमाडौं । पारिवारीक कथामा बनेको सिरियल मेरो कथा अब साताको दुईपटक हेर्न पाइने भएको छ । पछिल्लो समय लोकप्रिय बन्दै गएको यो सिरियल अब शनिबार ७ः३० र बुधबार ७ः३० मा युट्युव मार्फत हेर्न सकिने निर्देशक तथा कलाकार गीता नेपालले जानकारी गराउनु भएको छ ।

बुधबार काठमाडौंमा एक कार्यक्रमको आयोजना गर्दै दर्शकको माग अनुरुप सातामा दुई पटक सिरियल प्रसारण गर्ने जानकारी गराइयो । रमेश बुढाथोकी, पवन मैनाली, हिमबाला गौतम, लगायतका वरिष्ठ कलाकार मुख्य पात्र रहेको यो सिरियलमा निर्देशक गीता आफै पनि मुख्य पात्रको अभिनयमा हुनुहुन्छ ।

कार्यक्रममा निर्देशक गीताले अहिले सातामा दुईपटक प्रसारण गर्ने र अर्को बर्ष सुरु भएसँगै सातामा पाँच दिननै प्रसारण गर्ने तयारी अगाडी बढाएको बताउनु भयो । उहाँले भन्नुभयो, दर्शकको अत्यधिक माग भएकाले हामीले यो निर्णय गरेका हौं । यस्तै गीताले नेपाल टेलिभिजनबाट प्रसारण हुँदै आइरहेको सिरियल पछिल्लो समय टेलिभिजनमा प्रसारण बन्द गरेको पनि जानकारी गराउनुभयो । उहाँले अघि भन्नुभयो, दर्शकले सकेसम्म लामो इपिसोड हेर्न रुचाउनुहुन्छ । हामीले टेलिभिजनका लागी २३ मिनेट भन्दा बढी बनाउन सक्दैनौं । त्यसैले नेपाल टेलिभिजनमा प्रसारण बन्द गरेका हौं । तर केहि समयमै अर्को टेलिभिजनसँग कुरा भएको छ । छिट्टै टुंगो लाग्नेछ । त्यो समयसम्म युट्युवमा भने प्रसारण रोकिने छैन ।

यस्तै सिरियलमा गीता नेपाल, तेजुला खतिवडा, प्रिया रिजाल, माधव पण्डित, अशोक धिताल, रिया श्रेष्ठ, जयाश्री कार्की, सन्दीप कँडेल, गणेश देवकोटा, सरोज दाहाललगायतका कलाकारको अभिनय छ । मेरो कथाको लेखक÷निर्देशनमा गीता नेपाल र निर्मात्री तेजुला खतिवडा हुनुहुन्छ भने निर्माताद्वयमा तेजुला र कृष्ण कार्की रहनुभएको छ ।

Leave a Reply

Your email address will not be published.

भर्खर