काठमाडौं १९ पौष । नेपाली कांग्रेसले राष्ट्रिय सभा निर्वाचनका लागि उम्मेदवारीको नाम टुंगो लगाएको छ । आज सोमबार पार्टी कार्यालय सानेपामा बसेको बैठकले ६ जना उम्मेदवारको नाम टुंगो लगाएको हो ।
सभापति शेरबहादुर देउवाले संसदीय समितिबाट निर्णय गर्नुपर्ने भए पनि उक्त समिति नबनेको भन्दै प्रस्ताव गरेका नामहरु बैठकमा सर्वसम्मतले पारित भएको हो ।
पारित भएको नामहरुमा प्रदेश १ मा गोपाल बस्नेत (झापा), वाग्मतीमा कृष्णप्रसाद पौडेल (केन्द्रीय कार्यालयका मुख्य सचिव), गण्डकीमा कमला पन्त (गोरखा), लुम्बिनीमा युवराज शर्मा (रुपन्देही)को राष्ट्रिय सभा निर्वाचनका लागि परेको छ ।
यसैगरी , कर्णालीमा दुर्गाकुमारी गुरुङ (सुर्खेत) र सुदूरपश्चिममा नारायणदत्त मिश्र (कन्चनपुर) लाई उम्मेदवारको लागि चयन गरिएको छ ।
