काठमाडौं १९ पौष । नेकपा एकिकृत समाजवादी पार्टीले राष्ट्रिय सभा सदस्यको उम्मेदवारको नाम टुंगो लगाएको छ ।
सोमबार सत्तागठवन्धनको बैठकमा भाग वण्डा मिलेपछि नेकपा एसको आज दिउँसो बसेको बैठकले उम्मेदवारको नाम टुंगो लगाएको हो । जसमा प्रदेश-१ बाट जयन्ती राई (महिला) को नाम परेको छ ।
यसैगरी वाग्मती प्रदेशबाट गोमा तिमल्सिना (महिला), लुम्बिनीबाट राजेन्द्रलक्ष्मी गैरे (महिला), कर्णालीबाट उदय बोहोरा (खुला) को नाम राष्ट्रिय सभा सदस्यको उम्मेदवारीको लागि चयन गरिएको छ ।
साथै सुदूरपश्चिमबाट मदनकुमारी (गरिमा) शाह (महिला) को नाम टुंगो लागेको छ । नकेपा एसले १९ सिट मध्ये पाँच सिट पाएको छ ।
जसमा चार जना महिलाको नाम उम्मेदवारमा परेको छ ।
