तालुकान, अफगानिस्तान, ६ माघ, -अफगानिस्तानको उत्तरी प्रान्त तखारमा वर्षाका कारण भएको दुर्घटनामा एक वृद्ध र दुई बालबालिकाको मृत्यु भएको छ भने एकै परिवारका दुई सदस्य घाइते भएको स्थानीय स्रोतले बिहीबार जनाएको छ । “घाइतेहरूलाई बिहीबार बिहान इश्कामिस जिल्लाको हाम्रो अस्पतालमा भर्ना गरिएको थियो। इशको मन्डारा इलाकामा बुधबार अबेर राति घरको छत खसेर घाइते भएका बिरामीका परिचारकले बताए।
स्रोतका अनुसार भर्खरै परेको भारी वर्षाले छत नराम्ररी भिजेको थियो जसले अन्ततः दुःखद दुर्घटना निम्त्यायो। अफगानिस्तानमा प्रायः घर र पसलहरू माटो र काठले बनेका हुनाले घरको छत भत्किने दुर्घटनाहरू प्रायः हुने गर्छन्। यसअघि जनवरीमा पनि पूर्वी लघमान प्रान्तमा यस्तै दुर्घटनामा पाँच वर्षीय बालकको मृत्यु भएको थियो भने पाँच जना घाइते भएका थिए ।
(रासस-सिन्ह्वा)
