काठमाडौं । नेपाली बजारमा मंगलबार सुनको मूल्य ह्वात्तै बढेको छ । सोमबार तोलामा ९३ हजार ५ सयमा कारोबार भएको छापावाल सुनको मूल्य आज तोलामा पाँच सय रुपैयाँले बढेर ९४ हजार रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।
त्यस्तै आज तेजावी सुनको मूल्य प्रतितोला ९३ हजार पाँच सय रुपैयाँमा कारोबार भएको जनाइएको छ । त्यस्तैगरी आज चाँदीको मूल्य भने घटेको छ । आज चाँदीको मूल्य घटेर प्रतितोला १३ सय रुपैयाँ मूल्य कायम गरिएको महासंघले जनाएको छ ।
