काठमाडौं १८ माघ । तत्कालिन नेकपाबाट एमाले र माओवादी अलग्गिएपछि एमाले पार्टीबाट सन्यास लिएका नेता बाबदेव गौतमले अब नयाँ पार्टी खोल्ने भएका छन् ।
राष्ट्रियसभा सदस्य समेत रहेका गौमतले नयाँ दलको लागि सम्पुर्ण तयारी पुरा गरेको उनी निकट स्रोतले जनाएको छ ।
पूर्व–उपप्रधानमन्त्री समेत रहेका गौतम एमाले विभाजन भएपछि राजनीति क्षेत्रबाट नै निष्क्रिय भएका उनले यही माघ भरि नयाँ पार्टी खोल्ने भएको बुझिएको छ ।
पार्टीको नाम भने अहिले सार्वजनिक गरिएको छैन । माधव नेपाल र केपी ओली अलग्गिएपछि पनि पार्टी एकताको पक्षमा उभिएका गौतम २०७४ सालको संसदीय चुनावमा बर्दिया क्षेत्र नं १ बाट पराजित भएका हुन् ।
संसदीय चुनावमा पराजित भएकालाई राष्ट्रिय सभामा मनोनित गरिएको विषयमा समेत विवाद भएको थियो ।
