काठमाडौं १८ माघ । प्रधानमन्त्री शेरबहादुर देउवाले चुनावको मिति तोक्न निर्वाचन आयोगका पदाधिकारीसँग छलफल गर्ने भएका छन् ।
छलफल मंगलबार दिउँसो ३ बजे प्रधानमन्त्रीको सरकारी निवास बालुवाटारमा हुने भएको छ । जेठ ४ गते स्थानीय तह निर्वाचनको चुनाव हुने बताइसकेका देउवाले यस विषयमा छलफल गर्न आयोगका पदाधिकारीहरुलाई बालुवाटार बोलाएका हुन् ।
वर्तमान स्थानीय जनप्रतिनिधिको कार्यकाल यही जेठ ५ गते सकिने भएको छ । देउवाले बालुवाटारमा भएको कांग्रेस नेताहरुसँगको भेटमा जेठ ४ गते चुनाव गर्ने बताएका थिए ।
यता प्रतिपक्षी दल नेकपा एमालेले निर्वाचनको मिति तत्काल रोक्न भन्दै दवाव दिइरहेको छ ।
